吃茶三千 (海運大廈)

營業中

休息中

吃茶三千出咗新款限量嘢飲-鮮果百匯，肯定要去試吓！佢哋飲品嘅茶底係用萃茶機現萃茶葉而成，所以等待時間會長啲，但絕對值得，比咗錢在商場行個圈返嚟就有得飲啦！鮮果百匯，杯身裝滿咗各種新鮮水果，色彩繽紛，睇落已經好有食慾。茶底清新爽口，上面鋪滿水果，再加埋啲果汁，飲落去好清甜，果香同茶香完美融合。松針綠茶百香果，綠茶清香，加埋百香果嘅酸甜，令成杯飲品更加清新提神。百香果嘅酸味同綠茶嘅清香完美平衡，飲落去好爽口，啱晒夏天飲用。而且佢哋仲有少量枱凳可以提供比客人坐低飲茶，真係幾唔錯㗎。