一芳台灣水果茶 (已結業)

今日下午三點至七點，一芳做大優惠。一芳水果茶做買一送一，限定每日300杯。所以過黎朗豪分店碰碰運氣。現場所見，雖然要排隊，但等候的人不算太多，最重要五點幾係仲未買曬。望到嘅擺設全部都係真食材，唔知會唔會拎番黎用嘅呢？其實一芳茶底嘅出品都幾唔錯，不過最愛都係水果茶。只要買兩杯完全一樣嘅調配就可以享有優惠。店員推介半糖。由排隊到飲品拎得大概30分鐘左右，都在合理範圍時間內。百香果籽好多，橙果香味突出，依然飲到茶底嘅味道, 大推！