グリル滿天星

營業中

休息中

平安夜嗰晚，因為趕住睇戲，我哋就喺海港城是但搵咗間食。環境好普通，冇乜聖誕裝飾，又冇窗，感覺焗促。我哋叫咗個蒲燒鰻魚蛋包飯、美國安格斯牛扒同楓糖牛油梳乎厘班戟。蛋包飯: 鰻魚都大條，汁又夠濃味，蛋皮又滑，算係嗰晚最好食嘅嘢喇。梳乎厘班戟: 班戟好鬆軟，入口即溶，加埋楓糖牛油，甜得嚟又唔會好漏，食完都幾滿足。牛扒份量好細，但係啲肉質還好，調味正常，但呢個價錢黎講，好失望。啲侍應態度都ok嘅，餐廳環境望唔到出面，冇景，坐位正常唔會好迫，係冇乜聖誕氣氛。總括嚟講滿天星 Tokyo ok咁啦，嘢食質素普通，但如果想喺海港城搵間是但塞飽個肚嘅餐廳，可以諗下佢既。