1988 (已結業)

友人極力推薦所以去試下，不過最出名嘅豬手飯就真係好一般咋喎⋯⋯我都係第一次係出邊餐廳食到一半都冇放棄咗。豬手肉唔夠淋所以都幾hi，隻汁都好一般冇咩味，豬手唔夠淋真係一大敗筆。仲諗住招牌會做到好似泰國咁。完全唔似泰國個種淋到唔洗咬個種！咖喱雞啲雞好大件，但都係hi，咖喱汁唔夠濃，冇層次，不過撈飯都OK。奶茶少甜剛剛好，幾好飲又大杯。最有驚喜係個蝦餅，啱啱新鮮熱辣整好，做到外脆內軟，而且非常大件，令食一半豬手飯都冇嘅我食一舊蝦餅就滯咗。好足料，啖啖肉，肉實而不漏，性價比超高，好似加錢跟餐有，好抵，比出面大件好多。唔洗點汁都好食。lunch時間人頭湧湧，好彩早十分鐘到，之後啲人就要排隊都唔知等幾耐。