坐忘

營業中

休息中

好耐之前已經得知鰂魚涌有家特色嘅日式咖哩飯店，不過因為住太遠，又好少路過，所以一直都未有機會嚟試試。今日剛巧同朋友百無聊賴坐船到北角散步，於是向朋友建議嚟試試!到達時間大約係六點半，但門口已經有約十人等位，等咗陣就到我哋了！未入坐，店員先俾menu我哋睇，似乎準備落單，因為第一次嚟，加上店員好趕嘅態度，所以睇menu時感到有壓力，大約半分鐘就揀好落單了，同時可以入坐，以為可以慢慢睇清楚有咩小食，甜品等等，點知店員又馬上追問飲品，整個過程都係趕趕趕，一啲都唔relax ，始終第一次嚟，真係好難馬上做決定。望望店面，其實人手都足夠，門口都只係有大約十個人等位，實在唔明佢趕頭趕命嘅理由，印象已經扣分了！過咗陣，飯到了！我點咗招牌菜15種一日野菜咖哩飯，第一眼見到好豐富好吸引，但睇清楚啲，會見到大部份蔬菜都煮到一點點焦黑，而咖哩汁嘅油份都唔少，我見到啲油偏紅，會唔會係辣椒油呢？但咁仲算唔算係健康呢？心情帶期待又不安地開動(始終焦黑嘅部份會致癌，所以我都會咬走)，所有蔬菜都好爽脆，而且好甜好好味，咖哩味帶甜又帶辣，味道都算唔錯，飯有點濕，所以唔夠散，整體味道都好好，但焦黑蔬菜就令人不安...(明