影片
更多
2012-10-07
30 瀏覽
久聞盛記大名, 可惜一向欠缺緣份. 好耐之前, 老公話盛記係麵家, 佢係飯桶, 食麵唔夠飽的, 所以唔去,後來搞清楚, 盛記係有飯食的!又輪到話夏天太熱,路經一次, 見裝有冷風機, 但下午都熱到頂唔順,上次去呢, 就咁啱嗰日係十六, 盛記早上免費招待老人家食麵, 廚房太忙, 下午冇飯食.終於有機會幫襯, YEAH!十二點幾, 好多中學生, 個個自己攞罐冷飲, 好有住家飯FEEL,阿姐忙到踼哂腳, 要等好耐至有人落單,咁就欣賞下周圍擺設, 及樹影翠綠.老公點了午市特選, 菠蘿咕嚕肉飯 連飲品 $31學生特價$25哇, 唔怪得咁多學生啦,呢個飯好快到, 咕嚕肉好多, 肉係柳梅部份,冇骨, 好好味, 飯的份量唔多, 但唔夠可以添的, 我地就見好多學生哥拎個碗去廚房裝飯!我點了個炸菜蒸牛肉, 跟油菜 $31,等等等等等咗好耐, 阿姐嚟話牛肉賣哂, 未等我開口, 已經問要唔要豉油雞?哦是但啦, 因為好肚餓,好在豉油雞飛奔而至圖片係我已經挾了兩隻雞之後影的, 太肚餓鳥,雞當然係冰鮮雞, 肉味唔濃, 總算嫩滑, 份量仲好多添,呢個套餐原本係$37但我冇要飲品, 所以收 $31.我諗到了冬天, 會試下
好耐之前, 老公話盛記係麵家, 佢係飯桶, 食麵唔夠飽的, 所以唔去,
後來搞清楚, 盛記係有飯食的!
又輪到話夏天太熱,
路經一次, 見裝有冷風機, 但下午都熱到頂唔順,
上次去呢, 就咁啱嗰日係十六,
盛記早上免費招待老人家食麵,
廚房太忙, 下午冇飯食.
終於有機會幫襯, YEAH!
十二點幾, 好多中學生, 個個自己攞罐冷飲, 好有住家飯FEEL,
阿姐忙到踼哂腳, 要等好耐至有人落單,
咁就欣賞下周圍擺設, 及樹影翠綠.
老公點了午市特選, 菠蘿咕嚕肉飯
連飲品 $31學生特價$25
哇, 唔怪得咁多學生啦,
呢個飯好快到, 咕嚕肉好多, 肉係柳梅部份,
冇骨, 好好味, 飯的份量唔多,
但唔夠可以添的, 我地就見好多學生哥拎個碗去廚房裝飯!
我點了個炸菜蒸牛肉, 跟油菜 $31,
等等等等等咗好耐,
阿姐嚟話牛肉賣哂, 未等我開口, 已經問要唔要豉油雞?
哦是但啦, 因為好肚餓,
好在豉油雞飛奔而至
圖片係我已經挾了兩隻雞之後影的, 太肚餓鳥,雞當然係冰鮮雞, 肉味唔濃, 總算嫩滑, 份量仲好多添,
呢個套餐原本係$37
但我冇要飲品, 所以收 $31.
我諗到了冬天, 會試下去打邊爐.
或者下次做節, 會叫個盆菜.
題外話/補充資料：
餐廳氣氛真係好搞鬼, 最過癮係一排書架,
搵日下午嚟睇下書都好:)
(以上食評乃用戶個人意見 , 並不代表OpenRice之觀點。)
張貼
