LIFETASTIC (已結業)

賣西瓜蛋糕賣到出哂名嘅lifetastic而家紅到連開兩間分店，不過果兩間都係食cake為主，要食熟食都係要翻返西環總店先有得食😌 隔咗年幾兩年今次再食又有冇唔同呢😛其實佢地嘅熟食都幾有驚喜，主食叫咗酥炸軟殼蟹蟹肉明太子意大利麵軟殼蟹炸得非常鬆脆，又唔會覺得好油膩，個麵雖然唔係好覺有明太子，但醬汁夠香夠creamy，意粉軟滑得嚟又彈牙，幾高質✨小食烤餅即pizza又係被想像中好，芝士量激多，細細粒青口仔口感依然夠彈性唔會話乾哂，襯埋千島醬真心不得了😍至於炸蠔都夠香口鬆脆，肉身多汁，但就冇乜特別😌至於甜品當然揀返西瓜蛋糕，西瓜夠清爽多汁，成件事都幾清新，不過最重點我反而覺得係層cream，唔係普通cream而係帶花香的，令件蛋糕個味層次感豐富咗✨有機會試下佢其他口味嘅蛋糕先😌