影片
更多
2020-01-02
516 瀏覽
朝聖新派日菜，想食呢個和牛多士同炸粟米好耐，冇得訂位仲諗住閒日兼過埋晚飯時間去食會冇咁多人，點知由八點半等到九點幾先有位超誇張其實事先冇點睇過佢個menu，又發現原來有好多嘢都係off menu限定，最想食嘅和牛三文治只係六點到七點會供應，鰻魚壽司漢堡又係Off Menu當晚又係冇，還好炸粟米仲有，哈哈好過癮地粟米表面係好似沾咗糖漿炸，有層脆脆嘅焦糖包住咁，食落就好香牛油味，又唔會話好熱氣咁，好高質冇期待錯；另外雖然冇和牛三文治但店家就推介個牛肩肉，雖然係用上三文治嗰隻肉，而且上面有啲金菇菜俾你包住食，但係冇咗個包索啲肉汁就咁食都幾膩，而且比起其他菜式呢個特別貴除咗啲熱門菜式之外仲叫咗幾款都幾有驚喜，最鍾意係醋鯖魚刺身，除咗自家醃漬風味夠又保留到嫩滑嘅口感之外，佢仲好過癮咁響魚身中間𠝹咗一刀然後放咗啲雜菜漬物，令漬物香更重；另外有個條狀嘅炸mozzarella芝士，配上椎茸菇菇砵酒醬超香口；仲有個壽司taco都好得意，墨西哥脆餅包住入面嘅係魚生同壽司飯至於炸軟殼蟹同玉子燒就一般，前者醬汁又檸汁又醬油層次複雜但唔太討好，後者就如賣相一樣好普通；主菜就叫咗個烏冬，等位時同朋友睇相我地都覺得
其實事先冇點睇過佢個menu，又發現原來有好多嘢都係off menu限定，最想食嘅和牛三文治只係六點到七點會供應，鰻魚壽司漢堡又係Off Menu當晚又係冇，還好炸粟米仲有，哈哈
好過癮地粟米表面係好似沾咗糖漿炸，有層脆脆嘅焦糖包住咁，食落就好香牛油味，又唔會話好熱氣咁，好高質冇期待錯；另外雖然冇和牛三文治但店家就推介個牛肩肉，雖然係用上三文治嗰隻肉，而且上面有啲金菇菜俾你包住食，但係冇咗個包索啲肉汁就咁食都幾膩，而且比起其他菜式呢個特別貴
除咗啲熱門菜式之外仲叫咗幾款都幾有驚喜，最鍾意係醋鯖魚刺身，除咗自家醃漬風味夠又保留到嫩滑嘅口感之外，佢仲好過癮咁響魚身中間𠝹咗一刀然後放咗啲雜菜漬物，令漬物香更重；另外有個條狀嘅炸mozzarella芝士，配上椎茸菇菇砵酒醬超香口；仲有個壽司taco都好得意，墨西哥脆餅包住入面嘅係魚生同壽司飯
至於炸軟殼蟹同玉子燒就一般，前者醬汁又檸汁又醬油層次複雜但唔太討好，後者就如賣相一樣好普通；主菜就叫咗個烏冬，等位時同朋友睇相我地都覺得好似自己響屋企煮啲普通炒烏冬咁，但見個個都叫時我地又湊熱鬧叫埋，發現原來超好食，除咗蟹肉之外仲有蟹味噌做醬超香口
最後甜品係麵豉雪糕，聽落好似好得閒，但食落同普通雪糕味冇乜分別，令我諗起小豆島個醬油雪糕，又係只係有微微嘅焦糖香咁，不過兩款我比突鐘意雪條，因為入面有mochi煙煙韌韌，而最中餅個威化係脆但中間啲莓醬超酸酸到開過晒成件雪糕嘅味道
總括嚟講雖然定價都唔平，而且等左成個鐘先食得，但係好食程度抵返晒值得等，但想食三文治嘅條件就太過苛刻喇，有機會再挑戰下先
張貼
