Tram View Cafe

營業中

休息中

呢間Cafe其實想去好耐，個位置就係位於纜車站附近。喺餐廳窗口位置會見到纜車經過，非常特別；而且餐廳環境好悠閒，好舒服。下午嚟食嘢或飲杯咖啡都非常享受！餐廳出面仲有個露天地方，可以包場BBQ。出邊位置打卡影相都一流！餐廳仲有特色精品賣添。餐廳嘅食物選擇都唔少，我叫咗熱狗配薯條。估唔到食物味道都唔錯，熱狗大大件，係百吉包非常香脆。香腸係司華力腸，非常大條。薯條係波浪薯條，新鮮炸起，好食！另外叫咗朱古力蛋糕，香濃朱古力味。飲品叫咗士多啤梨茶及朱古力咖啡。