川串香

營業中

休息中

前日真係好想食串燒，但係又想搵一間近近地地鐵站嘅所以就見到呢一間好近朗豪坊嘅店！呢一間店望落去幾乾淨又企理，而且除咗啲串燒之外，亦都有一啲涼拌麵，食串燒唔夠飽嘅話都仲可以食一點面去飽肚！啲串燒都係10幾蚊一串唔算好貴，而且仲可以選擇辣到同加唔加蜜糖，啲店員仲要好有禮貌！我哋兩個嗌左大概10幾串，選擇好多除咗有肉類之外亦都有蔬菜、丸類等等。個人覺得啲串燒燒得啱啱好，令到啲肉唔會好乾身，反而係鎖咗啲肉汁係入面！ 而且魚蛋燒完之後真係好好食，尤其係嗰啲芝士丸真係好鬼正！雞軟骨仲要係一串入邊有好多粒，係好鬼抵食！我哋最後仲唔夠喉咁樣嗌多咗啲雞髀同雞翼，雞翼一串仲有三隻，而且啲調味粉落得啱啱好唔會好咸。