正斗粥麵專家 (太古城中心)

營業中

休息中

食物質素OK嘅，但係價錢真係好貴下。食一碗雲吞麵要$50，得三粒雲吞。一碟普通炒嘢，大約$120。雖然都保持到唔錯的粥粉面的質素，但係性價比低。講真客人來，願意用咁嘅價錢食茶餐廳食到的粥粉麵，其實都係想要服務。但這裡服務態度好一般，叫餸出餸好慢，係咁叫你體諒吓要等下喎。叫一餐餸簡簡單單，加埋半個鐘多啲先嚟到。都係雲吞麵、粥、炒粉麵之類者，使唔使咁耐啊。臨走叫一份外賣，雲吞麵 + 雪菜肉絲炆米，已經預早20分鐘叫定，都要40分鐘，搞乜嘢啊。