影片
更多
2015-08-23
1290 瀏覽
今日一家大細到呢間酒家食飯，訂枱7:00 ，7:10人齊起菜，阿姐放低一壺大茶及一壺大水後，7:20啲餸菜陸續上枱，由始至終無人招呼，連換下碟都無。先來豉椒炒聖子皇（無乜鍋氣），再黎蒸鮑魚，蒸東星班，蒜茸蒸桂妃蚌，蒸奄仔蟹（蒸嘢無乜特別）椒鹽瀨尿蝦已經好咸，豉油皇煎蝦重要炸過火乾晒，重咸過瀨尿蝦。8:05上最後一個餸（椒鹽瀨尿蝦），8:10阿姐行埋黎話餸菜已齊，話比埋張單及上埋生果，（心諗阿姐瀨尿蝦好似係要剝殼食），你咁快上生果？都算！8:15當個個埋頭苦幹咁食緊，阿姐話不如幫你包起啲餸。即時火黎，個個食緊包乜鬼餸啫！阿姐話8:30要還枱做第二輪，大佬，幾千蚊食餐飯食到飯趕頭趕命，重衰過深水埗食大排檔。阿姐重要比無形壓力你，攞定晒啲餐具、枱布及下欄盆放係你枱邊，呢刻先有最好既服務，當你啲餸碟一清就收走，見你啲餸無人夾就問你要唔要，唔要就收走。卒之我地以1小時20分鐘，食晒。8:30還返張枱比阿姐。除非大家已經練到食蝦蟹可連殼吞既話，不妨到此光顧。唔係既話建議搵過間可慢慢品嘗海鮮。
今日一家大細到呢間酒家食飯，訂枱7:00 ，7:10人齊起菜，阿姐放低一壺大茶及一壺大水後，7:20啲餸菜陸續上枱，由始至終無人招呼，連換下碟都無。先來豉椒炒聖子皇（無乜鍋氣），再黎蒸鮑魚，蒸東星班，蒜茸蒸桂妃蚌，蒸奄仔蟹（蒸嘢無乜特別）椒鹽瀨尿蝦已經好咸，豉油皇煎蝦重要炸過火乾晒，重咸過瀨尿蝦。
8:05上最後一個餸（椒鹽瀨尿蝦），8:10阿姐行埋黎話餸菜已齊，話比埋張單及上埋生果，（心諗阿姐瀨尿蝦好似係要剝殼食），你咁快上生果？都算！
8:15當個個埋頭苦幹咁食緊，阿姐話不如幫你包起啲餸。即時火黎，個個食緊包乜鬼餸啫！阿姐話8:30要還枱做第二輪，大佬，幾千蚊食餐飯食到飯趕頭趕命，重衰過深水埗食大排檔。
阿姐重要比無形壓力你，攞定晒啲餐具、枱布及下欄盆放係你枱邊，呢刻先有最好既服務，當你啲餸碟一清就收走，見你啲餸無人夾就問你要唔要，唔要就收走。
卒之我地以1小時20分鐘，食晒。8:30還返張枱比阿姐。
除非大家已經練到食蝦蟹可連殼吞既話，不妨到此光顧。唔係既話建議搵過間可慢慢品嘗海鮮。
張貼
