122
24
5
餐廳: Cafe Deco Pizzeria (ELEMENTS圓方)
優惠: 於此國泰夥伴餐廳用餐賺里 !
國泰會員於夥伴餐廳消費可賺高達HKD4 = 2里數。受有關條款約束。
條款及細則:
  • 國泰會員每次可賺取「亞洲萬里通」里數之消費額上限為港幣10,000元。
  • 會員於國泰夥伴餐廳作合資格消費，每港幣4元可賺取1里數。而渣打國泰Mastercard®客戶憑卡消費可享每港幣4元賺取2里數，包括合作夥伴餐廳合資格消費之餐膳里賞（每港幣4元賺取1里數）及基本餐飲類別之合資格簽賬獎賞（每港幣4元賺取1里數）。
  • 賺取之「亞洲萬里通」里數將根據餐飲與膳食消費，包括服務費、稅項及小費的總和而計算。
  • 惠顧特定推廣套餐或不可賺取「亞洲萬里通」里數。請預先向個別「賺里餐廳」查詢。
  • 賺取的「亞洲萬里通」里數將於認可餐膳消費交易後10個工作天內存入會員的賬戶。
須受其他國泰條款及細則約束。
等級1
3
0
服務水平嚴重不達標
2024-05-19 1665 瀏覽
昨日和侄女一行9人食生日飯,嚟到門口因為未夠半數人不讓入座完全可理解,到我們齊人就可入座都冇乜問題的，我哋睇完餐牌商量完食乜就準備order嘅同事就問一個外籍服務員攞水，佢就問我哋係唔係全部人都要，我話當然係啦，咁跟住就有一個本地服務員捧住八杯水埋嚟喺枱嘅一端逐杯逐杯放低,咁我阿哥就不斷咁幫佢傳過去,而我當時就覺得你作為服務員唔係應該將你拎嚟嘅嘢擺低曬喺枱,等顧客幫你傳遞,因為當時我哋嘅枱係絕對有足夠嘅空間畀佢埋去續杯水擺低畀每一位客人,好啦咁佢放到一半嘅時候我就講點解你咁得意,點解你唔係將啲水去拎畀客人而係就咁擺喺枱面,跟住佢就埋去放低剩餘既水比未有水既人度，咁跟住我哋數原來仲欠一杯水，跟住我就覺得好搞笑喇！我哋講每日都要杯水，咁但係我哋有九個人你就拎八杯水嚟，咁跟住我又叫返佢話畀佢聽仲爭一杯水,咁跟住佢又係拎杯水埋嚟劈喺枱面就走咗去。好啦跟住到出餐就到另外一個人,我哋叫咗兩個黑松露蘑菇湯同埋兩個龍蝦湯,咁嗰個一嘢就拎兩碗湯埋嚟劈喺檯面冇話畀你聽係乜嘢湯,冇問你邊個要湯,就劈喺度就諗住走,我即刻截住佢問呢啲咩嘢嚟,佢話係湯,我就問佢邊碗係乜嘢？咁佢答完呢碗松露蘑菇湯呢碗係龍蝦湯,咁當
更多
昨日和侄女一行9人食生日飯,嚟到門口因為未夠半數人不讓入座完全可理解,到我們齊人就可入座都冇乜問題的，我哋睇完餐牌商量完食乜就準備order嘅同事就問一個外籍服務員攞水，佢就問我哋係唔係全部人都要，我話當然係啦，咁跟住就有一個本地服務員捧住八杯水埋嚟喺枱嘅一端逐杯逐杯放低,咁我阿哥就不斷咁幫佢傳過去,而我當時就覺得你作為服務員唔係應該將你拎嚟嘅嘢擺低曬喺枱,等顧客幫你傳遞,因為當時我哋嘅枱係絕對有足夠嘅空間畀佢埋去續杯水擺低畀每一位客人,好啦咁佢放到一半嘅時候我就講點解你咁得意,點解你唔係將啲水去拎畀客人而係就咁擺喺枱面,跟住佢就埋去放低剩餘既水比未有水既人度，咁跟住我哋數原來仲欠一杯水，跟住我就覺得好搞笑喇！我哋講每日都要杯水，咁但係我哋有九個人你就拎八杯水嚟，咁跟住我又叫返佢話畀佢聽仲爭一杯水,咁跟住佢又係拎杯水埋嚟劈喺枱面就走咗去。好啦跟住到出餐就到另外一個人,我哋叫咗兩個黑松露蘑菇湯同埋兩個龍蝦湯,咁嗰個一嘢就拎兩碗湯埋嚟劈喺檯面冇話畀你聽係乜嘢湯,冇問你邊個要湯,就劈喺度就諗住走,我即刻截住佢問呢啲咩嘢嚟,佢話係湯,我就問佢邊碗係乜嘢？咁佢答完呢碗松露蘑菇湯呢碗係龍蝦湯,咁當然就係走咗去啦,跟住再拎兩碗嚟,依然故我,都係就咁劈喺檯面就走咗去,咁即係話我第一次嘅問題係點唔醒佢,佢係需要問邊個要湯，同埋要話畀人聽係乜嘢，講完一次第二次都係咁樣，我同我阿哥當時都已經好嬲㗎喇！咁再之後啲嘢食嚟你都唔好諗住佢會介紹啦,或者話畀你聽係乜嘢啦！咁因為我本人冇乜點樣參與睇餐牌同order嘢食,所以當食物放在檯面的時候我就問我家姐,乜嘢嚟㗎？咁個服務員可能就覺得我係問佢,佢係有啲o嘴咁樣停頓咗喺度,好似想問：哈！？乜要答㗎？咁算啦嘢食同服務篇就完結,跟住就到環境衛生篇喇:我哋坐嗰張枱就係喺水吧枱前面我係背對水吧我阿哥係面對水吧原來佢一直見到有隻小小強,喺水吧嗰度遊走咗好耐,咁我都明白食肆會有啲小曱甴老鼠都不足為奇,但係畀個客見到就真係唔係咁好啦！最大鑊就係我剛剛飲完碗龍蝦湯個碗底有兩隻螞蟻就出嚟,唯有都係諗都好彩係喺個碗底,唔係喺個碗入面。大致上嚟講食物ok,係佢哋嘅服務水平係真係要認真地改進!
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    用餐日期
    2024-05-18
    等候時間
    10 分鐘 (堂食)
    人均消費
    $200 (晚餐)