影片
更多
2021-01-01
2446 瀏覽
元旦日同朋友飲早茶，一行四人，早上10:00左右海之戀呢間酒樓，喺疫情嘅情況下，加上政府政策下，四個人梗係要分兩枱坐啦。門口個知客都細心，攞位時講四位，入座時，佢都記得安排兩張前後嘅枱俾我地。雖然坐開咗就即係少咗枱，等嘅人唔算多，但等咗幾個字就有兩張枱。入去前已經，知客已經同我地落定飲咩茶，職員都好快換枱布，我地好快落單，好快就有一兩籠食物，本來成件事都好順暢。隔咗5分鐘，同一個點心黎咗兩籠，我地同傳菜姐姐講俾多咗，我地只係落咗一籠，唔係佢職責當然大大聲同樓面講啦，有個年約40-50歲，有位女樓面小姐走過黎，用一個唔耐煩嘅語氣大大聲話我地有落到，我地好好禮貌咁話無理由ga，我地每個點心都寫1，無寫過2，之後佢check完，拎返我地張點心紙，出黎用一個好差、怪責我地嘅口吻，話：「你地落單唔使寫兩張枱number架，寫一個枱號得架啦。」佢就拎住張紙走咗去改，我地都不以為意。之後喺我地無再落過新單嘅情況下，繼續重複送多咗點心黎，同一位樓面小姐再出黎，今次除咗唔耐煩同惡，再加上皺眉頭，用一個可以話得係兇狠嘅態度鬧我地唔應該寫兩個枱number，我地話：「未試過咁樣情況下飲茶，唔知只需要寫一個枱
隔咗5分鐘，同一個點心黎咗兩籠，我地同傳菜姐姐講俾多咗，我地只係落咗一籠，唔係佢職責當然大大聲同樓面講啦，有個年約40-50歲，有位女樓面小姐走過黎，用一個唔耐煩嘅語氣大大聲話我地有落到，我地好好禮貌咁話無理由ga，我地每個點心都寫1，無寫過2，之後佢check完，拎返我地張點心紙，出黎用一個好差、怪責我地嘅口吻，話：「你地落單唔使寫兩張枱number架，寫一個枱號得架啦。」佢就拎住張紙走咗去改，我地都不以為意。
之後喺我地無再落過新單嘅情況下，繼續重複送多咗點心黎，同一位樓面小姐再出黎，今次除咗唔耐煩同惡，再加上皺眉頭，用一個可以話得係兇狠嘅態度鬧我地唔應該寫兩個枱number，我地話：「未試過咁樣情況下飲茶，唔知只需要寫一個枱號，點解你地唔問或者預先提客人？到落錯啦，點解係用一個咁嘅態度對客人講嘢？咁你地係想我地點做？」而成個過程，呢位樓面小姐係繼續黑面、皺眉、唔耐煩、鬧我地下次唔好啦！
最後，我地叫過而未黎嘅點心一直唔黎(原本好快上點心，但後來我地懷疑佢地係特登，存心要我地等)，終於我地就唔等，埋單走人。
埋單時係一個男經理負責，我地決定未必要做咩投訴嘅行動，但為咗自己之後唔好後悔無問到佢叫咩名，我好好禮貌問經理嗰位樓面小姐叫咩名，個經理唔係解決問題，係叫我地今次就咁算，話而家出去搵工難，叫我地體諒，我覺得都幾好笑，乜搵工難，唔係應該要更加珍惜自己份工咩？我話你幫佢都無用，呢個擺明係你地管理有問題，所以佢連你都唔驚，先會工作態度咁差。而重點係，經理都唔係幫緊客人解決問題，係叫個客算啦！
我地唔係要折扣(食幾多俾幾多，應份嘅！)
唔係要佢幾好服務態度，做到成隻狗咁。你做你嘅嘢，我有我地飲完茶去行海傍，過我地嘅元旦！但係你將你工作嘅不忿、怨恨，見住幾個後生女以為好蝦，如果今日係幾個兇神惡煞嘅大隻佬，佢夠膽咁兇狠咩！
食物方面：得個炸唔知乜酥好食，其他：燒賣、奶黃包、鳳爪、腸粉都好難食，尤其是燒賣，一舊無燒賣味嘅膠咁！
環境：係舒服嘅
張貼