小野人

營業中

休息中

老實講，店名似日式串燒，點知入咗間中國日本奇奇怪怪嘅餐廳，餐牌不倫不類，無端端滲啲東北菜嘅嘢。如果諗住去食日本串燒，注定失望不過佢多散叫嘅麵食同飯類，叫做可以平平哋落樓塞飽個肚算數。串燒冇乜驚喜，叫咗牛肉串，太乾，硬柴柴。另外叫咗雞翼，叫做正常。另外餐廳衛生有待改善，餐枱上邊永遠有食物嘅漬，唔叫唔會有人走來抹枱，抹完你用乾紙巾再抹，都係黑色。落單自助，埋單唔該你請移玉步都係自助，叫咗碗粉，都唔會攞碗仔都係自助，你好難叫得郁啲員工幫幫手。生意難做，食客都唔係容易做。