影片
更多
2024-01-29
1516 瀏覽
初次光顧，亦是最後一次一開始坐低都冇乜問題，仲覺得個小菜好食，點咗嘅菜都好快到哂。餐飯食到一半左右，位短髮女收銀員冇任何説話，一手單一手card機，連bill folder都冇，就直接放低張單，講咗句’有冇yuu’，埋哂單一句唔該多謝都冇。之後一位短髮女侍應(?!定係洗碗員)行過嚟，貌似想收我地枱上嘅片皮鴨碟，但我仲夾緊碟上嘅青瓜，佢就咁講咗句’拎落嚟夾啦’，完全係無視我夾緊餸，就直接拎裝青瓜嗰個碗落枱面，收走片皮鴨碟。另外我地仲未食完，就有一位長髮戴眼鏡女侍應，收我地枱面嘢嗰時，冇問我地啲嘢仲要唔要，肴肉未食哂就收走個汁，當我同佢講我仲要用個汁嗰時，佢回應咗句’吓’，唔好意思都冇一句，攞返收走咗嘅汁放返上枱就走開咗。最後啲staff個個趕收工咁，洗碗員直接推埋架車出廳面收嘢，其他staff就企哂係到傾計，但廳面仲有客人。菜式唔好食都算，服務態度仲要咁差根本就趕緊客。
一開始坐低都冇乜問題，仲覺得個小菜好食，點咗嘅菜都好快到哂。
餐飯食到一半左右，位短髮女收銀員冇任何説話，一手單一手card機，連bill folder都冇，就直接放低張單，講咗句’有冇yuu’，埋哂單一句唔該多謝都冇。
之後一位短髮女侍應(?!定係洗碗員)行過嚟，貌似想收我地枱上嘅片皮鴨碟，但我仲夾緊碟上嘅青瓜，佢就咁講咗句’拎落嚟夾啦’，完全係無視我夾緊餸，就直接拎裝青瓜嗰個碗落枱面，收走片皮鴨碟。
另外我地仲未食完，就有一位長髮戴眼鏡女侍應，收我地枱面嘢嗰時，冇問我地啲嘢仲要唔要，肴肉未食哂就收走個汁，當我同佢講我仲要用個汁嗰時，佢回應咗句’吓’，唔好意思都冇一句，攞返收走咗嘅汁放返上枱就走開咗。
最後啲staff個個趕收工咁，洗碗員直接推埋架車出廳面收嘢，其他staff就企哂係到傾計，但廳面仲有客人。
菜式唔好食都算，服務態度仲要咁差根本就趕緊客。
張貼