EL CID西班牙餐廳 (已結業)

環境裝修得非常之好，侍應服務態度亦都一流， 可惜，食物質素異常地低。首先要講下個"菠菜芝士卷"， 外貌似一條春卷， 個皮夠薄，OK.... 但我幾乎見唔到有芝士係裏面， 芝士分量少得可憐， 此外，呢個餸並無配任何醬汁， 食左一個已經覺得好油， 唔想再食第二個!!之後到個 "蒜片蝦"， 炸過嘅蒜片出左大量嘅油， 四隻死左 n 年嘅蝦浸喺上面，好恐怖!! 隻蝦完完全唔新鮮，90% 機會係 supermarket $50 包嘅 frozen shrimp, 廚師明顯唔知道蒜片炸完會出油， 連索油紙都冇張隔住隻蝦， 同樣地，食左一隻已經唔想食第二隻!! 最後係個 "燒乳豬"， 燒乳豬嘅精髓係層皮， 呢間竟然燒唔夠，層皮好難食， 兩個人，你推我讓咁食咗六件， 全晚最好食，竟然係伴碟既薯角配蛋黃醬，感恩仍有嘢落肚。