川婆婆 (寶勒巷) (已結業)

琴晚約左朋友去試呢間野 食到一半 夾舊肥牛上黎既時候發現有曱甴落野食入湯底既時候唔見任何野食有曱甴 所以好肯定係個湯底入面有曱甴 即時同職員講 佢一句對唔住都冇之後就收走咗舊曱甴肥牛入廚房之後出返黎話換個新既湯底俾我地 我地都話唔洗 諗住埋單走人算 湯底咁污糟有曱甴你換返個新既我哋都唔敢食啦 張單黎到佢淨係俾左個9折我地 真係不能接受 9折姐係只係免左服務費啲職員仲要好多說話俾我地聽 問我地:係咪隻曱甴自己飛左入去啊？ 咁大隻曱甴飛入去一定係我哋三個人都睇唔到 即使真係佢飛入去 咁佢餐廳既衛生都有問題啦 如果乾淨點會有曱甴飛入去？仲要我地唔係坐門口隔離啲枱之後另外個職員仲要係我隔離細細聲講: 平時出去食野有曱甴人地都係換份新既俾你 冇折嫁 我地已經好好俾左9折你 佢到底係乜態度？佢哋仲話經理、負責人唔係到話唔到事 雖然有話炒返個小菜俾我地拎返屋企食 但真係唔想再食佢既任何野最後搞左一陣佢俾左個8折我地即刻埋單走人 唔想再同佢嘈落去 已經唔係錢既問題 係佢啲服務好有問題仲要唔覺得自己有問題 出到去即刻報食環 以家我地既肚仔都搞肚痛…