禧華餐廳

營業中

休息中

今早我同媽咪大約8時14分入到依間野坐低，眼見一個用行雷一樣嘅聲線講野嘅阿姐好忙咁標來標去，咁我同媽咪就睇吓餐牌先，點知8時16分佢一個瞬間轉移企左係我旁邊，佢話：食乜？快啲！我當堂火起，我話咩話？快啲？佢即刻淆底，唔好意思，因為廚房要時間整！邊間餐廳廚房唔需要時間整食物呢😑。跟住我哋叫嘢，我足足重複咗三次我要凍檸茶走甜，同埋重複咗兩次我要炸魚柳公仔麵配煎蛋丹麥多士唔係炸魚柳通粉，而我媽咪就重複咗四次佢要熱咖啡同埋炸魚柳煎雙蛋配沙律，唔係雞翼煎蛋，結果嚟到凍檸茶超甜，炸魚柳公仔麵配腸仔丹麥多士，而我媽咪就俾咗炸雞翼沙律配煎單蛋😑，咁你叫我快啲有乜嘢用呢？你個腦完全跟唔上速度，啲嘢黎都錯晒，跟住佢去換返個六成熟嘅炸魚柳比我媽咪，而我個公仔麵唔知點解極度重鹼水味，我食咗一半已經頂唔順，我發誓一定唔會再幫襯依間所謂嘅餐廳。