影片
更多
2017-03-13
237 瀏覽
從來冇寫過食評，今次不吐不快。同女友坐樓上，點咗b仔涼粉、魚蛋、腸粉、雞翼尖。長話短說，好事有1點，壞事有4點:好事: 雞翼尖好食，cp值唔錯，8/10壞事1: 魚蛋＆腸粉，非常普通，而且魚蛋細到得手指公隻指甲，3/10壞事2: 涼粉份量大，但重量不重質，生果一啲都唔新鮮，$7X一個算好貴，2/10壞事3: 服務態度極差(尤其係戴眼鏡冇咁老嘅肥胖女侍應)，眼見每位客人都好禮貌咁向佢落單，但佢嘅說話/回覆極度冇家教，問一句都好似割咗佢忽肉咁。壞事4: 個冷氣開到大一大。想做多啲生意turnover高啲我諗每人都可以理解，但個冷氣係完全會吹到頭痛果種，隔離枱2個女仔好禮貌咁問個侍應可唔可以調位，佢就理都唔想理咁講: 「唔得」...真係冇見過一個人係可以咁冇同理心。總括而言，除咗雞翼尖冇咩值得幫襯，因為好幾位侍應都擺出一副唔想做你生意嘅態度，完全唔覺得係用個心同以客為本去經營，最重要係其他野食真係好一般甚至係差，名過其實。*題外話，雞翼尖雖然唔錯食得過，但都有好多激素，建議間唔中過下口癮就算
好事: 雞翼尖好食，cp值唔錯，8/10
壞事1: 魚蛋＆腸粉，非常普通，而且魚蛋細到得手指公隻指甲，3/10
壞事2: 涼粉份量大，但重量不重質，生果一啲都唔新鮮，$7X一個算好貴，2/10
壞事3: 服務態度極差(尤其係戴眼鏡冇咁老嘅肥胖女侍應)，眼見每位客人都好禮貌咁向佢落單，但佢嘅說話/回覆極度冇家教，問一句都好似割咗佢忽肉咁。
壞事4: 個冷氣開到大一大。想做多啲生意turnover高啲我諗每人都可以理解，但個冷氣係完全會吹到頭痛果種，隔離枱2個女仔好禮貌咁問個侍應可唔可以調位，佢就理都唔想理咁講: 「唔得」...真係冇見過一個人係可以咁冇同理心。
總括而言，除咗雞翼尖冇咩值得幫襯，因為好幾位侍應都擺出一副唔想做你生意嘅態度，完全唔覺得係用個心同以客為本去經營，最重要係其他野食真係好一般甚至係差，名過其實。
*題外話，雞翼尖雖然唔錯食得過，但都有好多激素，建議間唔中過下口癮就算
張貼