반찬앤쿡 Banchan and Cook (時代廣場) (已結業)

每次經過都見好多人排隊，今日唔洗點排，就同屋企人試下。入到去見有幾張2人位，但安排我地坐6人大枱，就問侍應可唔可以轉2人位，佢話係有人book左，所以只可坐大枱，但成餐飯期間，都見到好多吉左嘅2人位🤔之後menu 都未睇完，已經有兩個侍應黎問食咩，好chur🫠到點餐時，見枱枱都有水，同發現爭枝匙羹，就順便要求埋。直到屋企人個蛋包飯黎先，佢食到一半，都未有水&匙羹，(期間有再要求咗4次要水&匙羹)，去到第5次先俾水我地。匙羹仲慘，水黎到都未有，職員解釋唔夠餐具喎🙄水黎到再等多陣後，忽然有職員行黎講：「你個飯有啦，但介唔介意轉去2人位，有6個人book左枱，要比佢地」。如果係咁，一早唔好安排我地入座/坐大枱啦🙄🙄算啦，當實現我哋個坐2人位心願，轉枱食啦，結果職員放低我個蛋包飯就走咗，無幫我𠝹開個蛋，又要再搵職員一次。食完埋單，問佢哋有冇單，就答我行出去俾錢就得。收錢問我枱號，真係唔識答，枱又無寫，我又唔係職員，點會知。🙄🙄🙄野食方面，完全唔值呢個價，food court可能仲好食過佢，唯一可取之處係好大份，一定夠飽。