遇見小麵 (荃新天地)

營業中

休息中

琴晚諗住試吓個麻辣小鍋，於是去咗呢間食八點左右可能太夜 套餐（包飯）已經賣晒 於是我電話落單咗一個淨小鍋冇飯嘅點知隔離枱又係見到冇飯，佢問侍應，侍應先話問佢食咩，可以幫佢嗌有飯。發現原來侍應可以幫手嗌飯，於是我叫咗佢幫手，點知佢服務態度勁差，話等陣先啦！叫我自己喺電話㩒。然之後佢安排嗰張枱其實好細。嗌咗個串串，仲有一個小鍋同一碗麵。食完串串之後就上小鍋同麵，但張枱根本就已經好迫，佢又唔收走個碟。已經好禮貌咁叫佢麻煩收走個碟，佢又係話等陣先啦！乜而家啲侍應咁有性格，嘢都唔使做，就係叫客人等陣，仲要態度咁差😠我有俾錢㗎喎。真係冇下次。