泰誇張

營業中

休息中

位於電車道旁嘅泰國餐廳，內部裝潢同氣氛都唔錯，只係電話網絡接收有啲差。當晚入到去有2位就坐低，店員講咗句店內有wifi提供同埋需要QR code落單，然後我地開口問可否俾住兩杯水先，佢先話：哦，其實我地呢度係自助斟水嘅，你可以自己出去拎。雖然語氣上無特別差，但就係感受到好冷淡，幾乎直至埋單前，我地都再無交流過。最慘的係餐廳照收10%服務費，咁樣收費感覺有點勉強，因為成餐飯完全無感受到有被服務過，真係尤如店名「泰誇張」了。深知QR code落單已經係好多餐廳實行中，當自己體驗難免不好受，希望餐廳方面會更誠懇待客。講返野食方面，分別叫咗豬肉生菜包+蝦片、燒豬頸肉、泰式蒜蓉辣椒炒通菜同埋牛肉炒金邊粉。生菜包夠惹味，豬肉碎調味無太重手，炒得均勻入味，配埋生菜同蝦片食好特別，同樣豬頸肉都燒得又淰又軟，唔會好難咬，加埋少少酸辣汁好開胃！反而金邊粉就有少少失色，牛肉肉質好鞋口，唔吸引，金邊粉唔夠入味，配埋芽菜，個味道更淡！蒜蓉炒通菜亦不過不失，朋友說還好，但我不喜歡蒜蓉炒。🌶可能下次一班大人黎會再食，因為仲未試到其他菜式😄