泰誇張

今次同朋友去咗西環呢間「泰誇張」食泰菜，一入門口就俾佢嘅花房裝修吸引住！每張枱都放咗新鮮玫瑰花，角落仲有職員即場插花，成個環境浪漫到呢～我哋叫咗個四個嘢食兩個飲品，人均$285食到勁滿足！🌹 環境同服務▪️ 餐廳似溫室花房，周圍都係綠綠色為主題同鮮花▪️ 每張枱都有新鮮玫瑰，女生見到實心心眼▪️ 職員態度友善，會耐心介紹菜式▪️ 地點方便，香港大學站行幾分鐘就到🍗 鹹蛋黃雞翼 ($108)｜邪惡之選雞翼炸到金黃脆皮，面頭沾滿流沙級鹹蛋黃醬，咬落去鹹香爆棚！最正係個皮脆到似食緊蛋黃脆片，入面肉汁依然鎖住，必點！🍚 芒果海鮮炒飯 ($128)｜驚喜創意真係第一次見芒果炒飯！用咗新鮮呂宋芒果粒，甜到似食緊甜品～炒飯底夠乾身，有大隻蝦同甜甜豬肉乾絲，鹹甜交織好過癮！🥗 海鮮泰式沙律 ($108)｜清爽開胃超大碗！有齊大蝦、青口、魷魚仲有。個汁調得啱啱好：酸中帶辣仲有少少甜，辣度溫和，唔食得辣都接受到～🍲 椰汁雞湯 ($78)｜溫柔版冬陰功湯底係奶白色，椰香味好出！比起傳統冬陰功，呢款更溫和順喉，好足料好多菇，選用咗雞胸肉啖啖肉，飲完成個胃好舒服～🥤 飲品｜泰式風情· 泰式奶茶 ($48)：橙紅色好搶眼，茶味濃得嚟唔澀，甜度適中· 泰式椰子奶 ($48)：冰涼解渴，椰香天然唔假今餐真係由頭驚喜到尾，尤其係芒果炒飯同花房環境，絕對會再encore！推薦俾想食特色泰菜同埋鍾意打卡嘅朋友～…查看更多

今日約咗朋友食飯，佢返工地點喺香港大學，推介呢間泰國餐廳叫我一齊試吓，又好！😋外面有兩張高椅已經吸引了我，而且裏面裝修很有泰國風味，坐低咗已經好令人身心舒暢😆茄子肉碎魷魚沙律$118少有的前菜，暖暖的上碟，好多魷魚，肉碎，這個夠辣，好啱小編口味，但又10分開胃！酸酸甜甜的，第一次食這個配搭，實在特別😋細冬陰功$88 冬陰功超足料，有菇，有大大隻蝦，加埋香草，超級有泰國風味，而且都幾正宗，夠辣，唔會太酸太甜，非常好飲！😍泰式燒雞半隻$108 雖然蝕本，但都幾大份，啲皮燒到幾脆，裏面的肉10分10分嫩口，燒雞帶點甜，配合總站，又有另外一番風味！但小編更加喜歡唔點都夠味道！☺️香芒蝦仁炒飯$128炒飯超大碟，仲有好多蝦同芒果，真材實料，啲蝦都係大大隻，好爽甜！芒果算大塊，但係入口慢慢溶，甜甜地加埋啲炒飯，又清新又夾到！🥰Flow Fly $48打卡一流💕這個好像是梅汁，底部有啲爆珠，幾爽口，有氣的，好有泰式風味！泰式奶茶Thai iced milk tea $48泰式奶茶一向偏甜，這杯奶茶都好泰國經典，加埋啲泡沫喺面，睇落去打卡真漂亮❤️…查看更多

#MC帶你去西環.依間鄰近HKU港大嘅泰菜，裝潢充滿泰國風情，連員工都講泰文，感覺非常正宗～➖✨ 泰誇張 𝙏𝙝𝙖𝙞 𝙕𝙖𝙗 𝙑𝙚𝙧𝙧.餐廳主打泰國菜；店內裝潢走東南亞風情，以藍綠色為主調，鋪滿泰式圖騰地板，配以牆上曼谷電影海報，環境復古又充滿異國情調。➖🥢 青木瓜絲沙律｜$88Som Tum Green Papaya Salad.青木瓜沙律份量足料，木瓜絲口感爽脆，味道酸酸辣辣，搭配車厘茄、紅蘿蔔絲、生菜，清新解膩。➖🥢 冬蔭功湯（細）｜$88 ✨招牌菜式✨📝 Tom Yum Kung.冬陰功湯香濃惹味，湯頭有大量泰式香料，味道香濃帶酸微微少辣，開胃又惹味；湯中配料豐富，有大蝦、秀珍菇及草菇等等，用料十足。➖🥢 炸春卷（素）｜$88📝 Deep-fried Spring Roll.一份五件炸春卷，炸至金黃酥脆，包裹著滿滿粉絲及胡蘿蔔絲，好適合素食人士，而且搭配甜酸醬，好開胃。➖🥢 鹹蛋單骨雞翼｜$108📝 Salted Egg yolk Crusted Wings.單骨雞翼外脆內軟，雞肉仲好嫩滑，加上邪惡鹹蛋黃，甜鹹適中，好邪惡惹味。而且單邊骨架雞翼，超方便進食。➖🥢 菠蘿炒飯 配 豬肉｜$108📝 Pineapple Fried Rice.大大碟炒飯十分足料，飯粒炒到粒粒通透乾身，夾雜鑊氣及油香，搭配豬肉片、菠蘿粒、肉鬆、腰果、青椒等，口感十足，好豐富。➖🥢 泰式椰汁冰｜$48📝 Coconut Milk.椰汁味好濃厚，椰香十足，口感綿密，搭配花朵裝飾，滿滿美感。➖🥢 泰式檸檬茶｜$48📝 Thai iced tea.泰國紅茶作為茶底，加上新鮮檸檬片，香醇濃郁，口味清新！➖➖➖➖➖➖➖➖➖➖➖➖➖➖…查看更多

呢日港大嘅友人話要帶我食間正宗嘅泰菜 。餐廳除咗提供主餐牌嘅菜式之外，仲有更多優惠菜式可以喺QR code嗰度見到😝 泰式豬肉及豬肉丸船粉船粉份量勁多，底下嘅湯底係用上泰國正宗嘅風味製作而成😙 配上豬肉片同埋彈牙嘅豬肉丸，兩款配料同個船粉都好夾。泰式烤豬肉串串燒唔係用沙嗲調味，但係甜甜地嘅醬汁同豬肉都好夾🐷 呢個豬肉串都幾Juicy，令人忍唔住一啖接一啖咁食🥰豬頸肉沙律呢個幾惹味，豬頸肉烤得幾乾身，食落口唔會太過肥膩，額外仲附送一兜新鮮嘅生菜，包住豬頸肉食就更加清新🥗茄子肉碎魷魚沙律呢個真係食得出係正宗泰國風味，底下係茄子做伴碟，上面嘅魷魚粒同埋肉碎勁惹味🌶️ 嗰種香辣真係好刺激，雖然食到有少少滴汗，不過同時都覺得好正，勁有泰國風味🙈椰汁雞湯食泰菜唔少得嘅梗係要飲返個開胃嘅雞湯，味道冇冬陰功湯咁辣，而且入面嘅配料好足，有雞肉、秀珍菇，香茅等嘅配料，都係一個幾暖胃嘅選擇😎食完呢餐真係好似去咗一轉泰國咁啊，菜式味道好有泰式風情，鍾意食泰菜同食香辣惹味嘢嘅一定要試吓🤩…查看更多

2025.07.06又過一次未日｜又要繼續生活點都要食翻餐好｜獎勵自己 支撐自己落去🇹🇭 泰菜 Thai food 🇹🇭 絕對係我 comfort food四餸一湯｜加上一個小甜品.其實 #泰式料理 受中國 及 印度🇮🇳 影響小炒 麵食 肉粥等 潮汕美食 與 咖喱香料 都融合起來再加上舊時代富戶會將年輕女兒｜送到皇宮學習料理｜直至出嫁皇家料理及菜餚由此｜不斷產生 不斷創新.政府公佈 泰國料理菜系有 ④ 大區域⊙ 中部曼谷｜皇宮料理 （大部分接觸美食）⊙ 北部清邁｜糯米料理⊙ 南部合艾｜海鮮料理⊙ 東北泰緬｜醃烤蟲食料理色彩豐富｜香料提鮮｜甜酸咸辣香為🇹🇭 泰菜特色.前菜 🔺 Eggplant salad with m inced pork and chopped squid｜茄子肉碎魷魚沙律➖開半茄子｜加上咸香肉碎｜辣魷魚粒香辣十足｜配白飯就係滿分💯.🔺 Tom Kha Gai｜椰汁雞湯➖店員先問到 【可接受辣度】*️⃣ 微辣一壺熱湯｜香茅同椰漿味 肉眼見到再用湯匙 🥄 一翻｜大塊雞肉｜秀珍菇 雞髀菇 佔半壺入口偏甜 椰香餘悸｜香茅與辣椒 刺激帶一點變化.🔺 Salted egg yolk crusted Wings｜鹹蛋單骨雞翼➖重口味之選｜鹹蛋黃 撈 單骨雞翼｜唔太咸 非常惹味香口之餘 啖啖肉｜一啖一口 吐一條骨｜咬脆皮卡卡聲🔺 Thai Style Grilled Pork｜泰式豬肉串燒➖去泰國 🇹🇭 餐廳｜點都要點個串燒已經點左 椰汁雞湯｜當然要點豬肉平衡一下泰式醬汁｜鮮嫩豬肉 再加上孜然粉 well done 👍🏻 .🔺Shrimp paste fried rice｜蝦膏炒飯➖熱騰騰送上桌面｜蝦膏香氣撲鼻糯米飯底｜肉鬆｜臘腸｜豆角｜豬肉絲我最like ⭐️大量腰果⭐️ 脆卜卜 堅果香糯米飯炒到好乾身配料 同 糯米有 3:7 比例.🔺 Coconut Agar jelly｜椰汁大菜糕➖除大菜糕外｜上層椰絲肉絕對足料乾爽彈口｜微甜之餘｜大小絕對兩口一小塊.🤵🏻店員服務 相當細心 有問必答🤵🏻‍♂️餐廳🍴 是晚上酒吧 播放 chill 音樂｜非常放鬆雖然座位不多｜但坐得好闊落舒服…查看更多

西環石塘咀有唔少特色小店同平時油尖旺區嘅泰菜感覺唔同呢度有種令我想放低電話同坐喺對面嘅人專心傾吓偈嘅感覺如果想兩個人撐枱腳係個唔錯嘅選擇！佢嘅menu有好多選擇仲有chef’s special 如果鍾意食黃金式煮法嘅唔好錯過鹹蛋魷魚即叫即炸好辣口超邪惡係會食到一舊接一舊每舊魷魚都沾滿晒鹹蛋黃，非常濃郁～茄子肉碎魷魚沙律係開貴之選加咗洋葱，葱，香茅等等唔同嘅香料冇諗過茄子同呢啲配料係咁夾炸豬肉條配咗泰式嘅辣椒醬～份量都唔少眼闊肚窄想試唔同嘅嘢食，四個人食會好啲另外仲揀咗個冬蔭功湯同冬蔭炒飯個湯唔算辣不過香料十足！香茅同薑嘅味道好出炒飯有少少茄醬味但加咗冬蔭嘅香辣味嘅西炒飯海鮮比想像中嘅多，個炒飯仲有半熟炒蛋同肉鬆整體嚟講都唔錯，可以話係精緻感重嘅泰國菜加上佢嘅地板裝潢設計都好有特色簡單一間小店可以營造到呢個小天地好特別！第一次約會嘅話真係可以考慮吓呢度😆…查看更多

呢間餐廳個名夠晒型 估唔到佢話自己太誇張🤣🤣都真係幾Tom Yum Kung冬陰功湯唔算辣偏甜嘅 好足料海鮮蝦同菇都好多 未影相已經搶先俾我試咗🤣Beef salad呢個有趣 我平時都叫開青木瓜沙律 今次呢個牛沙律啲牛都幾軟熟Salted egg yolk crusted wings係鹹蛋味😍平時有食開黃金薯條（鹹蛋黃味） 今次竟然有鹹蛋黃雞翼 仲要係單骨！建議可以加濃啲🫶🏼🫶🏼Glass noodles Prawns Pot with pork belly又係我最鍾意嘅粉絲啦～豬頸肉同蝦都係我至愛嘅餸 成個面底係乾身嘅 第一次試呢個☺️Thai Omelette with crab meat呢個泰式奄列攤返開差唔多成隻碟咁大🤣🤣食唔出佢加咗蟹肉 似係蛋餅嗰一隻款…查看更多

週未約了朋友去西環附近食泰國菜，這次是我第二次到訪泰誇張 Thai Zab Verr 店內裝修以綠色為主，充滿泰式風情，地板是用不同彩圖併合成，牆上亦有泰國電影海報，大門口放置長長高凳，感覺置身東南亞氛圍感食物也充滿泰式街頭風味茄子肉碎魷魚沙律🍆🦑肉碎醃得鹹鹹鮮鮮好入味，魷魚非常彈牙，半開茄子再加入肉碎，肉碎充滿鹹香，越食越惹味炸豬肉條外層好酥脆，加入蒜香，肉條炸完並不乾身，啱做佐酒小食泰式生菜包🥬豬肉碎帶鹹鮮香味，用爽脆生菜🥬包住食，咬落好Juicy , 值得一提生萊擺盆好靚，令到食慾大增泰式豬頸肉粉絲蝦煲粉絲吸收蝦醬精華，大蝦非常彈牙，配合豬頸肉一齊食，口感豐富…查看更多

今日去完Water parade 朋友話不如去西環食嘢我就話想食泰菜結果呢兩個Combination我哋就嚟咗呢間太誇張 。這間餐廳真係好靚，特別係個地板，超級岩打卡！我最欣賞佢嘅香茅蝦沙律，裡面有好多香茅，口感真係好似身處泰國一樣。串燒肉質鮮嫩，口感十足。其他菜式如串燒豬配糯米飯、泰式船麵、泰式燒雞都好有水準，味道絕對唔會令你失望。飲品方面，泰式奶茶和檸檬茶都清新可口，完美搭配整個餐點。佢嘅檸檬茶應該用咗錫蘭紅茶，同我哋平時茶記嘅檸檬茶係唔同 。超級香。…查看更多

喺香港德輔道西搵到間「泰誇張」，一入去泰式風情勁濃，即刻心情開朗晒！試咗個泰式烤豬肉串，6串肉嫩到痹，炭燒香味十足，醬汁惹味到想舔手指！但我沒舔～鹹蛋黃脆皮魷魚外脆內彈，鹹蛋黃香氣漂漂，每一啖都係驚喜。冬蔭功海鮮炒飯酸辣開胃，海鮮滿滿，飯粒粒粒分明。泰式碎肉生菜包（豬肉款）夠哂惹味，酸辣平衡得啱啱好。仲有碗小份嘅泰式椰汁雞湯，椰香濃郁，雞肉嫩滑，暖胃又開心！埋單五百幾，含加一服務費，食得很滿足，香港人嘅快樂就係搵到間好食嘅泰菜，呢餐絕對抵到爛，下次一定帶埋屋企人再嚟歎返餐！🤗…查看更多

近排愛上泰國菜，朋友介紹呢間西環嘅餐廳夠地道，就嚟一試！餐廳裝修很有特色，以藍綠色為主調，感覺舒服。食物有質素，價錢亦合理！🔶 椰汁雞湯 Tom Kha Gai: 椰香濃郁，再加上唔同嘅泰式香草味道。🔶 茄子肉碎魷魚沙律Eggplant salad withminced pork and chopped squid：夠惹味，酸辣比例亦調教得好。🔶 烤豬肉串 Moo Bing：肉味濃郁帶甜香，好鍾意個醬汁！🔶 泰式生菜包 Larb-minced pork salad：肉碎香料重手，伴埋生菜食好開胃。 🔶 香芒蝦仁炒飯 Mango fried rice with Prawns：芒果甜而不膩，蝦仁爽口彈牙，炒飯粒粒分明。…查看更多

今日嚟西環探朋友，佢帶我去咗喺香港大學站附近嘅泰國菜 「泰誇張」。餐廳有分室內同室外嘅位置，涼啲嘅時候可以喺出面進餐都唔錯。椰汁雞湯：多菇多雞肉，雞肉嫩滑，兩個人分都好夠。豬頸肉沙律：豬頸肉好彈牙，酸辣味開胃，生菜新鮮爽脆。大蝦豬肉泰式乾炒粉絲：三隻大蝦啲膏好香，豬肉爽口 粉絲炒得乾身，份量好足。蟹肉奄列：有鮮味得來又健康，唔會覺得成口油 ，啱晒健身人士鹹蛋雞翼：夠晒邪惡，啱晒餸飯，雞翼開咗邊，食得好方便…查看更多

餐廳環境好有泰國花房feel，綠色同鮮花點綴，仲有新鮮玫瑰喺枱面。冬蔭功湯：香茅同辣椒味一上枱就扑鼻，湯頭酸辣醒胃！大蝦、秀珍菇同草菇超足料，配料新鮮，辣度啱好，唔食辣嘅朋友都ok！茄子肉碎魷魚沙律：茄子軟腍入味，配上鹹香肉碎同爽彈魷魚粒，酸酸地醬汁好開胃！辣椒香氣提升層次，配料組合好有心思，味道甜酸辣平衡，作為前菜真是一個完美選擇！炸魚青芒沙律：好大碟，超震撼！原條魚切件炸到金黃酥脆，外脆內嫩，配青芒、洋蔥粒、腰果、青瓜粒、青檸、香茅同辣椒，酸辣醬汁惹味，配料心思細膩，食落刺激又過癮！蟹肉炒飯：飯粒乾身，粒粒分明，帶濃濃鑊氣同蟹肉香！蟹肉絲同炒蛋鮮甜滿分，配料簡單但用心，突顯鮮味，份量夠二人share，食完有種泰國街頭風味！呢度有泰國風情，菜式份量同用料都好足，尤其係佢哋喺食材同配料嘅心思。餐廳仲有免費Wi-Fi，邊食邊上網打卡超方便！…查看更多

今日去左西環探朋友. 一齊食過午飯吹下水, 朋友介紹食泰菜. 因為泰菜係我地喜好. 環境裝潢都好別緻, 有泰北味道. 炸春卷 - 滿滿嘅蔬菜粉絲，外皮香脆唔油 , 個醬少少酸辣好開胃. 鹹蛋黃雞翼 - 邪惡之選雞翼炸到金黃脆皮，表面沾滿流沙鹹蛋黃醬，鹹香爆燈, 超重味最正，雞肉嫩滑多汁.泰式豬肉及豬肉丸船粉船粉好大份，湯底勁香先黎飲啖湯先 , 好似番左泰國食嘅正宗風味, 豬肉片,豬肉丸好軟淋，仲有炸過嘅豬皮好香都好夾。湯底香濃，炒彈性，鮮美十足. 椰殼烤的紅咖喱海鮮 - 滿瀉海鮮紅咖喱, 青口, 鮮蝦, 魷魚 浸在香濃咖哩 ，配上 香脆Roti 印度風味的薄餅，香香脆脆非常惹味。泰誇張西環石塘咀德輔道西390A號地舖…查看更多

星期六來到西環 下午嘆下啡慢活一下偶然在香港大學站附近見到的一間泰菜門口兩張高椅望住街境 彷彿置身清邁街頭充滿泰國風情已經吸引左我店內裝潢走東南亞風情 以藍綠色為主調鋪滿泰式圖騰地板 環境復古又充滿異國情調餐廳主打泰國菜 連員工都講泰文 感覺非常正宗//沙嗲6串(牛/豬/雞) $108//一次過試晒三款肉類燒至外層焦香 入口嫩滑燒烤火候掌握得宜沙嗲有濃郁花生醬 香味十足//爆炸軟殼蟹 $138//外皮酥脆不油膩炸得乾身但不失鮮味蟹肉鮮甜 口感一流令人停唔到口//冬蔭功炒飯 $128//將冬蔭功湯的酸辣精髓融入炒飯香茅、南薑、辣椒的香氣撲鼻蝦肉爽口 整體口感酸辣開胃加左炒蛋令入口口感更加豐富 //泰式生菜包 $98//豬肉炒得香口 加入香料與碎花生口感香口而不算辣包入爽脆生菜中 味道清新又解膩…查看更多