極尚大喜屋 (加連威老道) (已結業)

是日係屋企人生日，佢地又鍾意食吓放題於是生日就揀係呢度慶祝。之前都喺呢度食過但今非昔比，所有嘢都係直線向下除咗價錢。首先，我哋一入座就立即點好食物再交到服務員手上。第一碟食物到嘅時間係入座後半個鐘，係半個鐘！！我地成餐飯都係得2個鐘即係頭半個鐘係淨坐，追單又話做緊。如是這般，到最後一個鐘服務員指示要先埋單。Ok冇問題，後來到最後四五個字想再入單，服務員話已經cut左order. 我地問點解可以冇人通知last order, 佢仲反駁話一定有講。如果有我地就唔會嗰時再落單。成個過程仲要漏左唔少單，最後都冇補上。成餐飯就係比間野揼波鐘，再加上啲服務員傳菜時啲食物盤不斷喺你個頭上橫過，點食得安落！要做起一間食店個名好難，依家間野咁既劣特質素就應該趕走唔少客人，試過都敬而遠之。各位想去食前要諗清楚先，以免掃興同食到一肚氣。食物質素普通，壽司唔錯，飯唔太大舊。熱食質素尚可，但冇encore既感覺。