影片
更多
2024-07-15
222 瀏覽
事隔2個月先醒起其實可以係Openrice講低嗰次不愉快經歷，希望唔好被誤會係生安白造啦~嗰次一行5個人，一心想食清啲所以打算食吓salad bowl。7點鐘左右有個朋友早啲去拎定位先，到7點1/2左右大家陸陸續續齊人。咁5個人冇位要等都好正常，咁係我哋等位期間都有一枱3位同2位排係我哋之後，期間職員有出嚟安排2位入座先。如是者我哋等到差唔多7點半時，就見到有一張4人枱走，咁係個張枱隔離有另一張差唔多食完嘅2人枱；我哋有望到入面都冇其他位，咁我哋好自然就諗應該一陣好快就到我哋啦(嗰時我哋係排第一張）。點知呢個時候店員出嚟，叫排我哋後面個3位入去嗰張4人枱lol咁我哋就心諗搞乜鬼啦？問個staff其實佢哋打算安排我哋坐邊或者到底有冇安排緊位比我哋，點知店員妹妹竟然話打算留Bar枱比我哋lol 安排5位坐吧枱真係聞所未聞，即係你話我哋只係2/3個人，咁人少冇問題嘅。但明明你有張4人枱，有乜理由唔係優先安排比我哋？咁朋友有少少𤷪咁樣安排同埋都等咗成30分鐘有多，同店員妹妹講嘢途中有另一個店員男仔就行出嚟，態度唔友善兼且幾差地話「咁唔想坐Bar枱就出返去再等囉」。講緊唔時其實都冇其他吉枱，最後
嗰次一行5個人，一心想食清啲所以打算食吓salad bowl。7點鐘左右有個朋友早啲去拎定位先，到7點1/2左右大家陸陸續續齊人。咁5個人冇位要等都好正常，咁係我哋等位期間都有一枱3位同2位排係我哋之後，期間職員有出嚟安排2位入座先。
如是者我哋等到差唔多7點半時，就見到有一張4人枱走，咁係個張枱隔離有另一張差唔多食完嘅2人枱；我哋有望到入面都冇其他位，咁我哋好自然就諗應該一陣好快就到我哋啦(嗰時我哋係排第一張）。點知呢個時候店員出嚟，叫排我哋後面個3位入去嗰張4人枱lol咁我哋就心諗搞乜鬼啦？問個staff其實佢哋打算安排我哋坐邊或者到底有冇安排緊位比我哋，點知店員妹妹竟然話打算留Bar枱比我哋lol 安排5位坐吧枱真係聞所未聞，即係你話我哋只係2/3個人，咁人少冇問題嘅。但明明你有張4人枱，有乜理由唔係優先安排比我哋？咁朋友有少少𤷪咁樣安排同埋都等咗成30分鐘有多，同店員妹妹講嘢途中有另一個店員男仔就行出嚟，態度唔友善兼且幾差地話「咁唔想坐Bar枱就出返去再等囉」。講緊唔時其實都冇其他吉枱，最後嬲嬲地去咗對面食其他嘢算。
成日話小店難做，要多啲包容同多啲比機會。但假若係小店自己本身都有問題或者係有啲位可以做得更好，其實係需要比佢哋知道自己問題係邊。但暫時對我嚟講唔會有下次過嚟食嘢住了。
張貼