Lilium

營業中

休息中

大家都知香港地寸金尺土，但係第一次嘢未食完就俾人趕。呢間嘢未入去之前就喺門口好鬼客氣咁話入嚟試吓啦點知我哋12:10坐低，12:15畢咗兜飯出嚟，到咗12:30呀姐就已經開始喺後面徘徊。太太碗飯未食完就一嘢收咗，見到我杯嘢一飲完未放低就即收。老婆杯嘢未飲完，佢就企喺隔離話「我幫你收埋佢吖」，話佢聽未飲完，佢就繼續企喺隔離望住你等你飲。係，雖然係淨返兩啖，但係唔使咁高壓呀嘛。到咗呢個時候間嘢都仲係大把位，太太杯嘢一收佢竟然就埋嚟講，「唔該有人想坐你個位」跟住就望q住你。呢個時候只不過係12:35，即係入咗嚟半個鐘就俾人兜走，一句唔好意思都冇。只能夠講，未入嚟當你係寶，食完就當你係草。食隔離茶餐廳好過，起碼唔會坐廿分鐘就俾人趕。