影片
更多
2022-05-11
758 瀏覽
如果你願意俾高嘅價錢，去食好差嘅服務🥲，(衰過茶餐廳嘅惡劣態度！😩🥺) 咁你不妨去食呢間位於大元邨街市嘅新Cafe。我哋嘅經歷就係貼錢買難受😣⋯⋯講真我哋山長水遠嚟食，睇完網上介紹，話個老闆係酒店做廚師，自己岀嚟開餐廳，見到疫情下，都咁勇敢做生意，想支持小店先嚟食。而家仲係試業階段，未正式開幕，但係已經可以獲得我嘅劣評😢！食物方面其實係可以嘅，但食前食後，都令客人感覺職員好惡無禮貌，冷言冷語對待！首先係好倒米嘅女待應，0歡迎我哋，我哋大概7點幾到達，佢第一句話：” 未有位，要等喎！” “7:30pm就會cut單啦！” …. 哇哇哇，係咪暗示叫我哋要走？你要趕住收工嗎？😔最起碼説話方式唔係咁樣倒米法掛😕。我哋慕名而來，專程來，等一陣間囉，企咗係間店入面等，男職員話「要等企係岀面等，阻礙住佢哋嘅通道」😅，ERrrrrrrrr …. 可以有禮貌少小嗎？阻礙住佢？！哇，佢嘅語氣帶有責罵，抱怨嘅成份。然後佢嘅指令係「this is an order tone ☺️」，其實做餐飲業，講句唔好意思，唔該晒，係會令人聽落無咁難受嘅，欠缺禮貌😔😕。乖乖地企返係又熱又落緊雨，地下濕笠笠嘅街市等啦，(男職員話
講真我哋山長水遠嚟食，睇完網上介紹，話個老闆係酒店做廚師，自己岀嚟開餐廳，見到疫情下，都咁勇敢做生意，想支持小店先嚟食。而家仲係試業階段，未正式開幕，但係已經可以獲得我嘅劣評😢！
食物方面其實係可以嘅，但食前食後，都令客人感覺職員好惡無禮貌，冷言冷語對待！首先係好倒米嘅女待應，0歡迎我哋，我哋大概7點幾到達，佢第一句話：” 未有位，要等喎！”
“7:30pm就會cut單啦！” …. 哇哇哇，係咪暗示叫我哋要走？你要趕住收工嗎？😔最起碼説話方式唔係咁樣倒米法掛😕。
我哋慕名而來，專程來，等一陣間囉，企咗係間店入面等，男職員話「要等企係岀面等，阻礙住佢哋嘅通道」😅，ERrrrrrrrr …. 可以有禮貌少小嗎？阻礙住佢？！哇，佢嘅語氣帶有責罵，抱怨嘅成份。然後佢嘅指令係「this is an order tone ☺️」，其實做餐飲業，講句唔好意思，唔該晒，係會令人聽落無咁難受嘅，欠缺禮貌😔😕。
乖乖地企返係又熱又落緊雨，地下濕笠笠嘅街市等啦，(男職員話一定要係岀面等，唔好阻礙住佢！) 咁我哋呢啲閑雜人等，梗係要企返係人哋鋪頭外面等囉！同埋一啲等緊外賣嘅人一齊迫係出面。
7:29分，終於到我哋入得，我哋好合作，秒速落單，本來想杯咖啡，係食完嘢再上嘅，但由於佢哋收8pm，所以職員有講話咖啡一定要同食物一齊上，好👌🏼我哋話都可以啦，咁你哋方面就好了☺️，點知餐飯，都未食到一半，個職員無啦啦係後面話: “要埋咗張單先，因為要埋數！” Errrrrrrrr 講句 “唔好意思，唔該晒，麻煩你” 如果有返啲多啲基本禮貌，唔好好似收數咁催我哋，感覺上餐飯會無咁嬲！
之後我哋話用ePayment,個服務員就行去問另一個女服務員啦，哇，女服務員大大聲話「叫佢岀嚟埋囉，而家呀！」感覺上，個男服務員只係傳話，佢行返過嚟重複一次頭先女服務員大大聲講嘅「叫佢岀嚟埋呀，而家！」，個女服務員態度好惡劣，大佬，命令式喎🤷🏻♀️🤦🏻♀️，好恐怖😱，好誇張，食緊野，佢叫個客行岀嚟埋單，咁我哋食到一半喎，一係佢拎個ePayment機過嚟，幫我哋埋咗單先😅。要我哋食到一半，行岀去埋單，喺為咗方便佢？定係為咗啲咩？咁食到一半，係咪要為咗滿足佢，我哋尚未品嚐完美食，就要為左個女職員而又要抹咀，消毒，戴口罩😷，行岀去埋單先，再返埋位，消毒，除口罩，再食埋剩低嘅一半？個女職員係咪咁嘅意思呢？？？
我希望老闆會睇到呢個post啦，嘢食幾好食嘅，特別係個鴨腿，但呢餐飯係我開呢個open rice account 以嚟，咁多年，我寫過超過100篇食評中，唯一嘅劣評呀😩😭😭！
係我人生中食過最最最惡劣嘅服務態度，酒店級嘅廚師，極度受氣嘅服務！唔可以接受，與其你哋捨得俾錢🤌係網上介紹，不如改善下班服務員態度啦！好失望嘅一餐飯，完全因為呢個價錢嘅西餐，但被服務員咁嘅態度😢😓好浪費廚師嘅心機，呢位女服務員全力幫緊呢間未正式開業嘅西餐廳倒米！
張貼
