唐源

營業中

休息中

今次 #奶啡迷 有口福了 👅俾我發現到最近有一個春夏期間限定活動就係意大利經典咖啡品牌 「 LAVAZZA 」 @Lavazzaofficial聯手享譽全球的杏仁太妃糖品牌 「 ALMOND ROCA 」推出☕ 《 LAVAZZA 芝士奶蓋焦糖咖啡 x ALMOND ROCA 杏仁糖 》原來咁樣嘅配搭好有驚喜當中採用的LAVAZZA咖啡豆優質醇香且烘焙程度剛好難怪飲落去每一啖都充滿濃郁的咖啡香外配上絲滑奶蓋和焦糖甜味當然唔少得配搭酥脆的樂家杏仁糖🍬飲一啖咬一口簡直就非同凡響充滿着甜蜜春夏咖啡時光 🌸身為咖啡與甜品愛好者嘅你仲唔快啲去體驗身邊朋友一起chill下啦❣️✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿💥 好消息好消息💥 #有限時優惠‼️🌈 即日起至2025年6月30日，凡於指定銷售點購買一杯 LAVAZZA 芝士奶蓋焦糖咖啡，即可免費獲贈ALMOND ROCA 樂家杏仁糖乙粒 🍬 🌈 另外凡於推廣期間內購買 LAVAZZA 上述指定特飲滿5杯，更可免費兌換 LAVAZZA 精美禮品一份，包括咖啡濾杯、電話繩或隨身鏡，美觀而實用 🪞💡飲品價格依門店定價為準

【飲後真心推】LAVAZZA芝士奶蓋焦糖咖啡 x 樂家杏仁糖！甜食控必試～最近發現這個神仙組合！LAVAZZA的芝士奶蓋焦糖咖啡本來就超濃郁，咖啡底烘得超香，完全不會苦澀，加上綿密奶蓋和焦糖的甜，喝下去超順口～重點是！配他們送的ALMOND ROCA杏仁糖簡直絕配！咬下去「喀嚓」一聲，脆脆的太妃糖包著杏仁粒，甜中帶點堅果香，和咖啡的焦糖味超搭，一口咖啡一口糖，整個下午茶幸福感爆棚💥 我本來怕會太甜，但其實甜度剛好，奶蓋的微鹹還平衡了糖的甜膩，完全忍不住續杯🔥限定優惠懶人包✅ 即日起–2025/6/30，買一杯芝士奶蓋焦糖咖啡，直接送一粒樂家杏仁糖！ ✅ 買滿5杯還能換禮物～有咖啡濾杯、手機繩之類的，十分實用⚠️ 但每間店禮品不一樣，手速要快～ 🏠 哪裡喝？大埔 Goldy Cafe溫馨提示：優惠數量有限，衝之前可以打去問問～本來只是衝著LAVAZZA的咖啡去的，結果被杏仁糖圈粉了😂 這個組合真的很有「義式甜點店」的儀式感，推薦給愛奶咖+螞蟻人朋友！趁夏天結束前快去chill一下～ ☕️🍬 利申照片看起來很浮誇，但實物真的沒騙人，奶蓋厚到捨不得攪散

星期日下午茶時間諗住高檔次少少所以試咗呢一間coffee shop，佢下午茶餐基本上得兩樣嘢揀，就係Cake Set同埋窩夫set ，今日兩樣都有試，同樣出色。Cake set就揀咗啤梨乳酪蛋糕，蛋糕鬆完，甜到適中，真係做得幾好。個窩夫好睇又好食，雖然佢話係牛角酥窩夫，但係我覺得同平時嘅窩夫差唔多，不過最緊要都係味道好食，佢個窩夫嘅texture做得幾好。配料就揀咗香蕉肉桂會雪糕，感覺上唔係好食到肉桂嘅味道。咖啡就揀咗latte同埋piccolo，味道都唔錯。

中午三個人叫左一個漢堡牛油飯，一個雞，同豬面肉通粉。個雞算係三個主菜中合格的一道菜，唔算太乾。呢個豬面肉短通粉，豬面肉超韌，配菜多過通粉，短通粉得幾條。 至於個漢堡扒，煎得好乾，非常硬，無味道，飯只係普通白飯，並唔係咩洋蔥牛油飯。湯大概只係一碗有色嘅水，飲唔到任何食材味道，個餐包算係成餐最好食嘅食物。 雖則話我唔介意俾貴d食餐好嘅，但呢d食物質素連50蚊都唔值，街市上面鐵板餐好食好多，大家想試的話請抱有苦行的覺悟，本人極不推薦。

估唔到喺街市入面都會有cafe！舖頭細細，但都幾高人氣，一點左右去到要等一陣間位～lunch set包咗是日餐湯同飲品，唔使加錢已經可以揀menu上任何一款咖啡！整體價錢都幾親民。蘑菇忌廉湯（是日餐湯）（配麵包）麵包係硬身嗰隻，似迷你法包🤣唔會主動俾牛油，但可以問佢拎～我將麵包點湯食都唔錯嘅～蘑菇忌廉湯好大碗，而且蘑菇打到好幼😋雖然味道唔濃，但都會飲到淡淡蘑菇味。香蒜片海蝦意大利麵（$82 Lunch set）意大利麵同各樣食材嘅口感都唔錯～聞落去都好香，不過食落都幾辣🥵甚至蓋過咗其他食材嘅味道，唔似平時嘅西餐，反而變咗泰式咁😂而Menu都冇標示話係辣～如果平時唔食得辣嘅話要小心👀。牛排&薯條（$128 Lunch set）講真呢個價錢要鋸扒都唔會太高期望😂但真係比較一般，落單時冇得揀幾成熟，嚟到嘅時候係大概八成熟。而且塊肉好韌，食咗半塊之後放棄咗…醬汁唔覺得有特別～而且有少少失望係薯條完全唔脆🥹講真似茶餐廳質素多過Cafe如果係求飽肚嘅話OK！西餐角度係抵食嘅～但食物質素只係對得住價錢，冇乜驚喜🥲而且又要另外加一，之後都未必會返轉頭🍽️Goldy Cafe📍 大埔汀角路10號大元街市地

食物好一般如果午餐時段唔想客人食件cake及飲杯coffee歇一歇，可以提一提客人呢段時間是午餐時間甜品時間，那就不用受你地啲bingbing bangbang既聲音。

想不到法國菜會開在街市入面😆 翻新後的大元街市 已經upgrade🆙了很多，不少食肆同商舖👍🏻平時我不會在街市內吃東西現都會試。2pm來到唐源 都要等位！等位時我們又忍不住試隔離間老店，本只想吃薏米白果豆腐花 $18，見杯仔雲吞 （$24 6小粒）都好吸引，又吃🤣真是很好的頭盤😝其實已飽了近一半🫣最後在唐源點了輕食。#黑松露炒蛋牛角包黑松露是薄片😎相比黑松露醬就不會太濃太咸，但不夠香黑松露味炒蛋好多份量🍳火喉剛好不會老👍🏻牛角包🐮有脆口嘅部份，連炒蛋🥚吃好味道加$15有沙律，都幾清新😋原來2：30pm 有下午茶餐，因已較飽，只叫了cake set餐 $68。#金寶蘋果批蘋果批🍎可以凍食或整熱，口味偏酸，有啲提子乾🍇餅邊脆脆香口👍🏻配搭跟餐好美的小杯 #拉花Latte☕️😍整體覺得唐源環境舒適，吧枱嘅咖啡機☕️好靚😍👍🏻裝修、餐牌、食物擺盤都有心思👏🏻可惜是座位較少，約廿個位，如果多座位可坐，我們就不會等位時食吃了其他舖美食😆 太飽無有點原來想吃的法式白酒忌廉燴雞，唯有等下次再去吃。#飲食情侶🥰 #MagicCherry攻美食#cherry攻商鋪 #大埔美食

哩間餐廳開左一段時間，午餐時刻都要排下隊👭🏻，要預早少少黎拎號碼。今次試左兩個午餐set，意想不到又幾有誠意，想介紹俾大家。☺️法式白酒忌廉燴雞 $82 + 10%首先，佢個餐包🥖上枱熱辣辣，不過就唔提供牛油。佢個餐湯係蕃茄湯，比較少見，又係熱到辣口，我就好鐘意熱食。佢蕃茄🍅打到蓉，好香茄味，又唔會好酸，同餐包都好夾。講返主菜🥘，佢既汁偏稀，但好重白酒味，雞件煎過大大件，仲有西芹、紅蘿蔔同薯仔，非常足料。另外，一定要提既係佢既牛油飯🧈🍚，我第一次試牛油飯，聞落同食落都好香，唔會好油膩。餐飲方面，我揀左熱朱古力🍫，無諗過會有拉花，除左視覺好靚，鮮奶同朱古力味配合好好，飲品已經值回票價。燉牛臉頰肉配米粒意大利麵 $82 + 10%佢既牛肉🐮都燉到好淋，仲有雜菌係入面，蕃茄加牛肉煮成既汁底十分濃郁。米粒意大利麵保持住口感，又好吸汁🍝，口感有啲似珍珠米咁。餐飲揀左熱咖啡☕️，同樣有靚靚拉花，咖啡味偏nutty。整體黎講，我覺得好抵食👍🏻，可以見到每個細節位都做得唔錯，下次都會再光顧💕

大元街市經過改造後，進駐左幾間食店，Goldy Cafe係我其中1間心水之選。今日試左佢個Pan fried chicken Steak，一大塊雞胸肉煎得好香，食到皮既邊位微蕉，有香脆口感，一口咬落去，肉質嫩且有肉汁，賣相不錯。配菜有薯條、西蘭花、珍珠筍同茄子，欣賞佢配菜都係用心煎過，而且火喉控制得好好，調味也突顯到食材本身既風味，但遺憾是我外賣，店家無將薯條分開盒裝，以致薯條淋左，實屬美中不足嘅地方。朱古力奶好濃郁滑順，質地濃稠，有層次感。

今日放假，諗住去街市買D材料返屋企煮飯仔。街市內有幾家食店，Goldy Cafe店內座位不多，正值午餐時間，門口已經排緊，咁不如買返屋企慢慢嘆。品嚐左他們既佛羅倫焗魚柳伴義大利麵、蕃茄沙津，餐飲就係抹茶拿鐵。佛羅倫焗魚柳伴義大利麵~魚柳的質地非常嫩滑，意大利粉炒得剛好，香氣撲鼻，麵條軟硬適中有口感。蕃茄沙津～一道清爽的開胃菜。從照片所見，蕃茄同蔬菜既新鮮度好高，蔬菜有一定既脆度，每啖都充滿了自然的味道，作為前菜，係不錯既選擇。而抹茶拿鐵，綠茶味濃，更似１杯綠茶鮮奶，我覺得相對食品，飲品比較遜色。

今日放假瞓到日上三竿先起身去食飯。本來想是但搵間餐廳食，但係撞正午餐時段周圍都要等位剛好經過唐源見到佢bar枱仲有位，之前又一直想試，可惜次次都多人就無試過，今日終於有機會啦我叫咗個午餐，前菜要南瓜配慢煮雞胸沙律，主菜係紅鰹魚柳伴意式茄乾，蘑菇馬鈴薯丸子，再加$30要咗個甜品，藍莓紅絲絨蛋糕同加$10要咗杯凍朱古力咖啡首先前菜，南瓜配慢煮雞胸沙律。賣相很好睇落好有食慾感味道唔錯，但係雞胸個人覺得唔得，口感有啲似生肉同埋有啲難咬開，所以五星滿分我俾三星。主菜紅鰹魚柳伴意式茄乾，蘑菇馬鈴薯丸子。不得不說，佢哋擺盤賣相真係做得幾靚食落去同前菜一樣，哈哈，主角紅鰹魚扣分，魚無味，但係其他配菜做得出色，味道很好凍朱古力咖啡，除咗咖啡有嘅苦味，完全唔覺有朱古力味而且亦無咖啡香。失敗之作最後甜品，成個餐最好食係佢藍莓紅絲絨蛋糕，唔會好甜，味道剛剛好，又有少少藍莓粒埋單$152，性價比一般題外話，我一起身就出咗唻食咗呢一餐，個人腸胃有些少過敏(食生冷野無問題架)，少少唔乾淨都肚痛。食完唔夠半個鐘就搞肚。呢餐之前之後無食過其他嘢，唔知同呢餐有冇關係。又可能係我個人問題，不過唔會再嚟食了

想用心記錄生活痕跡，所以努力寫食評紀錄補返前幾個禮拜日入大埔睇朋友證婚之後搵下有咩得大埔先有，其他地方無既小店見到呢間Goldy 係街市中的法式西餐廳，因為睇食評都有話性價比/味道/ 服務一般，我地只係都係抱住試一試既心態黎到望到餐廳唔大，大概得二十個座位上下waiter 有心提示可以坐bar 台唔係可能會等好耐，我地都有提出如果有普通台可唔可以到時幫我哋安排轉 (答左可以） 之後落到上菜，waiter 其實服務正常(不過最後無幫我哋轉到枱，反已幫遲過我哋入嘅人，都係坐bar 台既"轉"左 )甘筍湯 正常，ok 的 呢個牛角包我可以比五星脆+ 多蛋+ 黑松露 當然佢唔平 好似$8x 但都足料白酒燉雞配白飯有白酒味，同埋雞都好多件！不過只可以話法國菜真係唔易煮感覺用既材料都唔係平，但個味梗係比普通西餐輸蝕... 牛排少失望，第一無得簡medium / 再生d 切開就好熟煎得靚，但相對自己就唔鍾意呢個口感甜品味道正常，ok 的最後一個覺得幾得意，覺得餐廳中/ 英文名無咩聯繫，唔知有無特別意思

第一次寫食評，真心好失望既一餐，失望到要做會員寫文...訂位前都睇過comment好評多個差評，所以都有期待：1.叫左個dinner set 既"特級酒館式牛西冷配黑胡椒汁",落單時request 5成熟，點知切開well done 咁滯，同餐廳反映over cook,點知回覆係：尼隻紐西蘭既西冷冇得5成熟...what?😅話要揀廚師推薦先可以選擇幾成熟🤷🏻‍♂️2.甜品：其中一份要左朱古力cake,上碟時放cake 既膠托有張（use by 09-11-23)既label...賣過期食物？？？🤔服務態度就一般般啦不過話係前五星酒店總廚主理，真係不敢恭維，我都想知邊間五星酒店🥲

可能我大鄉里啦，真係未食過得一粒嘅Egg Benedict😂仲要同出面價錢差唔多咁大隻碟得一粒，唔知係咪唔夠貨呢但我去嗰陣係啱啱開鋪原來一年可以相差咁遠菠蘿冰茶還好，係淡啲囉環境還好啦，朝早去有好大個太陽雖然喺村入面，但餐廳出面係空地，所以個境都ok本身放假去開依頭剪頭髮，諗住食返個靚早餐揾到依間cafe，但估唔到Egg Benedict得一粒仲想講今日好好天，適合放假，但依加假期嘅好心情被破壞1/3🥲

［Goldy cafe - Tea Set］🇮🇹🇮🇹🇮🇹Tea set: $78大元邨街市除左平台上面有野食買餸個度都有間細細的CAFE個景都算幾開揚望返住大元邨可以忙裡偷閒咁TEA SET主要係食牛角酥😍❤️個牛角酥好鬆脆❤️D吞拿魚係一塊塊既唔係碎濕濕❤️個擺盤都好靚呢個都幾加分❤️好少地方叫熱檸茶俾埋HONEY呢個都幾加分位但就$78牛角酥連野飲, 價錢就覺得貴左D啦.輕食係可以既🙂但唔會令人飽肚的感覺