金都海鮮酒家 (環翠商場)

營業中

休息中

屋企人生日諗住去食番餐飯， 呢間係屋邨裏面嘅酒樓， 都唔期望會有好好嘅服務質素， 但係竟然比我想像中嘅差。 去到先有個夥記問你要咩茶， 睇落好正常， 但係竟然半個鐘啲茶都未到， 九個人仲要得一壺茶。 落單嗰陣有個疑似女部長， 對自己嘅酒樓唔熟悉， 報海鮮價嗰陣改完又改， 令人覺得極其不放心。 落單嗰陣已經好驚佢囉錯， 特別畀心機同佢逐個送講清楚，之後真係有落錯單。 跟住想搵一個侍應幫手， 搵咗三個都話唔關自己事，叫我自己搵經理，好無助。 最可憐係食飽飯想埋單嗰陣，個場啲人一係就唔見人一係就避免同你眼神交流， 舉手搵人埋單搵到我手軟， 連想畀錢都好辛苦。 提議要食嘅人要有心理準備比常人更好既耐性。唯一要讚既係上菜幾快， 食物質素不過不失， 如果祈求好精緻餸菜呢間係唔啱你，呢間係係飽肚同埋正常味道。 可以推介嘅餸菜係黑醋薯仔豬肉， 呢碟係食得最滿意嘅。 另外好得意嘅係呢間有一度菜叫做炸龍躉皮， 其實應該係會幾好食嘅不過炸嗰個人就唔夠火喉，有啲淋。 另外嗌咗半圍名宴， 我哋九個人去其實本來名宴都好多嘢食， 如果女仔多嘅話其實夠食，如果有男仔嘅話呢就嗌返幾度小菜就夠啦。