Pizza Piazza (已結業)

啲人成日都話荔枝角有好多性價比高嘅好野食，上星期我就去咗嗰度覓食。哇，真係眼花繚亂，又有西餐、日式野、台灣野... 最尾我揀左食西餐!雖然間野叫Pizza pizza, 但我冇叫pizza,, hahaha...我叫咗一個套餐，有面包、黑毛豬排、芝士蛋糕、一杯飲品。食物質素整體幾高。餐包好好味。佢有兩款面包，面包皮脆，入面鬆軟，面包熱辣辣，點埋橄欖油食好正!主食係黑毛豬排。肉同配菜都好出色。厚切豬排唔會過多肥膏，豬排有肉味，點埋佢嘅開胃汁食好正。旁邊仲放咗啲菜，食番啲菜中和番肉嘅油膩感。 另外要讚一讚啲薯條，好好味，應該係用咗番薯去整呢個薯條呀。甜甜哋，炸到脆樂樂，值得推介。甜品我地order左芝士蛋糕，芝士味超濃郁，芝士控一定要試下!