一杯屋 (已結業)

銅鑼灣去邊都係人山人海，想搵間可能冇咁擠迫既餐廳食飯。通常都要去樓上商場先得，而途經逸園見到成棟都有好多唔同餐廳，就揀咗去8樓呢間一杯屋嚟食lunch。佢請食就就佢啦。食lunch既話最好就要嗌定食啦~ 定食包飯、包湯、包配菜、包餸、可以話係非常抵食！我地都嗌咗雜錦吉烈拼盤定食，送上嚟有大大兩條吉列炸蝦同兩件吉列蠔。望樣就已經非常吸引！而且裝餸既盒其實有兩層，下面個層仲有⋯⋯炸魷魚！一打開就已經有好大陣魷魚既香氣傳出嚟每一件炸物都夠晒香脆！另外仲想食多少少，就嗌咗個燒雞皮餃子，個皮燒過後更加香，超級好食！因為呢度唔似外面人流多得咁誇張，所以我地都好enjoy咁享用呢個lunch！