蟹膳 (已搬遷) 新店位置

今日我朋友請食飯，帶咗我去位於灣仔嘅蟹膳，原來成間餐廳得兩個餐牌，朋友幫我叫咗個海膽全蟹宴一坐低有枝豆做前菜頭盤上面係海膽下面係雪場蟹刺身好新鮮！第二道菜係海膽茶碗蒸第三道菜係燒雪場蟹腳一樣都係有海膽係上面，超開心！第四道菜係拆咗肉嘅毛蟹上面係一隻糖心蛋天婦羅，口感好特別，有人幫自己拆晒蟹肉感覺真係非常爽！食完四道精美嘅菜式，Shabu Shabu時間！大大隻嘅毛蟹同雪場蟹，仲有多款菜！最開心嘅事唔使自己落手落腳，有專人幫你淥埋好鮮味！食曬所有蟹肉，個蟹蓋職員會幫你留嚟煮蟹粥，吸收曬蟹嘅精華，不得了！海膽蟹餐1580一位，鍾意食蟹同海膽必試！如果價錢再親民少少就好喇