La Vache!

營業中

休息中

星期五，下午2時。6個朋友一齊嚟咗呢間La Vache。之前已經聽過佢個名，專係食牛扒。獨沽一味。應該係對自己嘅出品好有信心。先上頭盤：沙律菜我自己就麻麻哋食無煮過嘅菜，所以畀咗一半人。不過佢配上醋同nuts 我覺得都ok。之後來薯條。因為熱氣所以我都無食好多。服務幾好，keep住都會嚟問你使唔使添。不過其實我未食晒就又嚟問，好欣勤。朋友話好好食，好有薯味，不過我食多幾條就開始覺得鹹。再者熱氣唔想食太多，所以停手了，而且覺得唔係特別出色，無咩特別。之後上主菜。我哋分別叫咗medium rare, medium 同medium well.自己覺得都係medium rare 比較適合。唔鍾意太熟。餐廳配上茄汁、mustard sauce同cheese sauce。肉汁都juicy。同埋切開晒，好適合懶人唔使自己切。而且底盤有蠟燭烘熱住，保溫。以下午時間食份量都足夠。不過晚餐的話會有啲單調，因為得薯條牛扒食。最後上埋蛋糕。埋單，6人食5人夾，每人$660。偏貴，未至於話好食到不得了。環境fine dinning feel。但菜式款式單一。食一次體驗過就算。