The Sky Bar (已結業)

今天和朋友食生日飯，難得呢班朋友今日唔再食打邊爐，選擇了這家西餐廳，心諗味道應該唔錯。我地order了9個set, 太多野食，不能盡錄，唯有寫d印象深刻既！有個Oyster set有12隻生蠔,餐酒，南瓜湯，主菜及甜品，都只係$288，真係好抵食！南瓜湯不錯，生蠔好新鮮，而且帶點海水味，一流，不過太多蠔殻碎，有點扣分，主菜：龍蝦松露意大利飯，松露香味十足，飯都唔會太硬，呢個真係好好食（回味中）...另外，有個4百幾既set買一送一，又係抵食，海鮮拼盤，餐湯，餐酒，沙律，主菜及甜品，呢個set印象深刻既係牛排，好好食，不過pizza就好一般囉！總括黎講都係好食既，不過如果份量多小小就滿分喇！