牧羊少年咖啡館 (香港文化博物館)

營業中

休息中

因為要就返住粉嶺既朋友，所以揀左沙田食飯。其實之前都係葵芳試過呢間 牧羊少年咖啡，覺得都唔錯，食物水準唔差，坐得舒服，係適合吹水既地方黎，所以今次試下沙田呢間。沙田呢間唔近地鐵站，同兩個朋友行左15-20分鍾，先由地鐵站行到黎。當晚星期五，都有7-8個人等緊位，我地等左大約20-30分鐘。入到去店員好快拎左MENU俾我地睇，佢地D餐具、水要自己攞，全部放哂係水吧隔離。入面燈光暗暗地嫁~我地叫左一個意粉同飯，再加多個薄餅。味道okay既，無咩特別咁~我地三個女人仔share，份量岩岩好，不過我地食量唔大。最後，我地叫左個比利時之戀(WAFFLE)， 個WAFFLE朱古力味都算濃，COOKIE雪糕正。