鼓堡音樂餐廳

營業中

休息中

今日終於黎到聖誕聚會啦，今次再去返livehouse食飯，我地一行6人大約7點半到達都差不多滿座，今日2030有liveshow一個鐘，佢唱得都吾錯，但可能始終地庫關係，其實都偏嘈，傾計講真一般，可能坐返遠少少同2-3人傾會好點！～之後我地坐左大約3小時每人$250左右，價錢只屬可以接受啦，我地共$1528，我簽完名睇返原來收左$1582…所以講真簽單時要睇清楚，而食品質素一半半好味道啦，又未至於樣樣吾得。吾錯食品：沙律份量偏少但味道吾錯。夏威夷薄餅多料同底薄夠脆好味。牛扒份量大而肉嫩，但薯條一般。小食併盤芝士薯條反而吾錯多芝士又冇黑，雞翼同魷魚圈朋友都有讚好味。正常食品：豬手份量大而味道可以，但醬汁吾得冇味。吾得食物：炸魚薯條吾得，炸魚有股怪味道，薯條炸得太耐黑晒。意粉講真味道吾錯但堅少，吾抵食。三文魚薄餅好咸好咸，三文魚好似比好多鹽咁…吾得！～飲品叫左3枝啤酒和2杯熱檸水….熱野飲差不多叫冇得叫，之後我地叫佢比熱水都話要煲過先有。