合興粉麵茶餐廳

營業中

休息中

行過堪富利士街，有好多舖頭可以選擇，但係今日想食得清清地，所以行過合興粉麵茶餐廳嘅時候，發現餐牌上嘅嘢都好啱我，再加上見到佢環境舒適，左右兩邊都係卡位，所以就入咗去試。叫咗個蠔仔肉碎湯飯加皮蛋，飯另上，同烚菜全走。嚟到嘅時候份量都算多，肉碎係瘦肉好啱減緊肥嘅我。蠔仔都有好多粒，個湯都唔鹹飲落好舒服。一路食一路觀察到店員同顧客都有傾有講有位後生小姐姐會推介俾客人佢哋嘅招牌鹹雞類嘅食物，最後個客人都話冇介紹錯。我覺得欣賞嘅地方係飲品類有梳打水👍。不過我嗌咗杯檸檬茶走甜，個茶底可以再濃少少整體嚟講食物OK環境坐得舒服，又光猛。餐牌上仲有好多食物我都想叫唯有留返下次再嚟😆。