影片
更多
2023-03-05
505 瀏覽
雖然PMQ附近好多嘢食，但唔想排隊，一早係Openrice做定research，發現依間隱世小店自家製panini同homemade soup，個賣相真係好吸引💛。由嘈吵嘅環境入到去中西合璧嘅小店，感覺舒服又有特色。巴拿馬火腿芝士意式三文治，$98香草麵包係老闆自己親手烘焙，佢話入貨嗰啲太厚唔啱用。個麵包鬆脆香軟，厚度啱啱好，我一啖咬落去唔會跌曬入面啲材料👍。巴拿馬火腿好鮮嫩，份量足，配埋芝士、火箭菜同蕃茄唔會膩，感覺清爽鮮味。加$20有湯。因為得老闆一個，今日只供應意大利雜菜湯。落足料，有菠菜、薯仔、洋蔥、蕃茄等等，滿滿一碗，每匙都係切粒湯料，清甜有口感，咁好味唔飲曬都唔得。老闆學過茶藝，請我飲咗杯即場冲泡嘅茉莉花茶。難得嚟到梗係係咁舒服嘅環境歎埋佢😝。佢仲講咗茉莉花茶點樣整，原係用綠茶茶葉鋪底，面頭放初開嘅茉莉花，茉莉花會繼續開花，茶葉就吸曬啲精華，然後弄乾，重覆幾次依個工序先有茉莉花茶😱，真係唔知造茶葉原來咁高深同艱難。飲茶時真係要用心細味。我番到屋企講咗俾鍾意飲茶嘅家姐，佢話搵日一定要嚟依間小店歎下😄。依間店座位有限，所以大部分都係外賣客。我都要咗支有機蜜桃茶拎走，$26。老闆
由嘈吵嘅環境入到去中西合璧嘅小店，感覺舒服又有特色。
巴拿馬火腿芝士意式三文治，$98
香草麵包係老闆自己親手烘焙，佢話入貨嗰啲太厚唔啱用。個麵包鬆脆香軟，厚度啱啱好，我一啖咬落去唔會跌曬入面啲材料👍。巴拿馬火腿好鮮嫩，份量足，配埋芝士、火箭菜同蕃茄唔會膩，感覺清爽鮮味。
加$20有湯。因為得老闆一個，今日只供應意大利雜菜湯。落足料，有菠菜、薯仔、洋蔥、蕃茄等等，滿滿一碗，每匙都係切粒湯料，清甜有口感，咁好味唔飲曬都唔得。
老闆學過茶藝，請我飲咗杯即場冲泡嘅茉莉花茶。難得嚟到梗係係咁舒服嘅環境歎埋佢😝。
佢仲講咗茉莉花茶點樣整，原係用綠茶茶葉鋪底，面頭放初開嘅茉莉花，茉莉花會繼續開花，茶葉就吸曬啲精華，然後弄乾，重覆幾次依個工序先有茉莉花茶😱，真係唔知造茶葉原來咁高深同艱難。飲茶時真係要用心細味。我番到屋企講咗俾鍾意飲茶嘅家姐，佢話搵日一定要嚟依間小店歎下😄。
依間店座位有限，所以大部分都係外賣客。我都要咗支有機蜜桃茶拎走，$26。老闆親手冲嘅茶就無得試啦，家姐話依支意大利有機蜜桃茶都唔錯，唔會太甜。個玻璃樽仲好靚話要留底喎。我同佢講嗰度仲有支意大利可樂個樽係攞獎嘅。佢話下次外賣帶埋返屋企🙄。
張貼
