PizzaExpress (百合苑商場)

營業中

休息中

朋友話好耐都無食過Pizza，但我話Pizza兩個人食唔到D咩，於是就約埋另一個再加埋我媽媽四個人一齊去食。而為咗大家都方便所以就揀咗黃埔嘅Pizza Express，而其中一個朋友第二朝要三點幾起身返工，所以就提早六點鐘食晚飯。早食最大嘅好處係好多位可以比我哋揀坐邊度。安排好位置後，埋頭苦幹咁揀食咩嘅時候發現原來呢到都有Happy hour，指定嘅酒精飲品可以買一送一，喺呢頭返工嘅人可以嚟呢度Happy一下喇！而我哋最後就決定要個四人套餐，套餐可以揀兩個餐前小食、一個pizza、一份沙律、兩個意粉/飯同四杯野飲，講真，呢個份量應該都可以夠5-6個人嚟食，真係份量好足！小食嘅蕃茄醬配肉丸，兩樣配襯越食越想食。凍盤意式凍肉拼盤，份量同款式都幾多。Pizza就揀咗海鮮口味，味道幾特別，亦唔好好似傳統pizza咁咸。雞肉凱撒沙律嘅雞肉好滑，菜亦都好新鮮意式野菌螺絲粉好creamy 蟹肉白酒意粉上嘅蟹肉份量都幾多，淡淡嘅酒香味，好味😋以呢個價錢食到咁多野真係好超值。