浪．居酒屋 (已結業)

銅鑼灣Midtown原來開左間裝修咁有feel，咁高檔嘅居酒屋，今日同朋友發現之後二話不說就入左去。今日揀左啲前菜、壽司、卷物、仲有嘅雞肉鍋。咁啱夜晚有客人生日，全場獲派清酒一杯，一齊乾杯嘅感覺非常正啊！今次試呢款Nami卷，比較難同朋友share，所以一人一件比較好。食落味道都係幾豐富，有蔥拖羅、三文魚籽呢啲。另外仲有魚餅、海鮮沙律。壽司我地揀左劍魚腩、油甘魚呢啲比較多魚油嘅魚，味道都幾滿意，都幾新鮮。雞肉鍋就幾大份，有魚蛋、雞肉丸、豆腐、菇、菜、餃子🥟等等，不過味道就比較鹹。最後落埋個烏冬真係飽曬！呢度仲有好多其他食物，下次再試！