如月居酒屋 (已結業)

尋日嗰fd介紹我食呢間居酒屋，我真係有啲驚喜。Omakase 餐，一開始有盤前菜開一開胃，之後就係天婦羅。我自己本身唔鍾意食油膩野，所以一般都好少會吖天婦羅，今次Omakase冇計la，點知佢又整得幾好食喎衰鬼！😂啲蔬菜同海鮮天婦羅，炸得香脆，個個都係炸得啱啱好，一啖入口，外脆內軟嘅口感。最重要係咩ar？ d油好靚，好香冇油膉味，香口得黎又唔膩。之後d串燒仲過癮，首先佢唔係求其燒d雞牛豬已經加分，仲要一串好食過一串。一黎就俾串燒帆立貝，金黃色，大大粒。再黎就係串燒鮑魚，多汁唔韌好好食。連續食咗兩道濃味野之後，師傅整咗串燒白膳俾我地清清口，一咬落去就有種淡淡既鹽味。最後就係重頭戲，燒蝦膠棒！未食已經覺得好靚，而佢既味道亦冇令我失望。將蛋黃同醬油攪匀，再用黎點蝦膠棒，真係冇得輸，好撚好食！🤤🤤全晚最好食就係呢道菜。食完串燒之後，仲有一碗牛舌，有d似係日本食關東煮咁，嚿大根仲吸哂d湯汁，爽！其實飲埋面豉湯大家都差唔多飽，點知佢仲有碗迷你鰻魚飯，唔講喇，自己睇相la🤣🤣臨尾仲有個cheesecake，食甜品有第二個胃，咁梗係再飽都食埋佢，最後真係飽到上心口。今次真係0伏，下次可以再黎😂