豚王 (已搬遷) 新店位置

毎次經過呢間拉麵店的時侯都係大排人龍。心想係吾係真係咁好食呀，究竟係吾係好食都值得花費一小時的時間去排隊。星期五放假，終於可以係非繁忙的時間，下午４點去試一試。但由於地方細，我哋仍然須要排佐５﹣８分鐘才可以入場。呢間拉麵店的拉麵主要大概分為四種：豚王（豬骨湯底），黑王（豬骨加秘製香油及墨汁湯底），赤王（豬骨加秘傳汁（由麻油加辣醬油）湯底）及翠王（豬骨加橄欖油及巴西萊湯底）。值得一讚係呢度同日本一蘭拉麵一樣細心，客人可依照個人的對拉麵的軟度， 味道濃道 ，香油，䓤花，义燒肉，蒜蓉等等作出不同份量的選擇。另一讚的地方係枱上有吾同的醬菜任加，有辣味芽菜，好似雪菜的嘢味醬菜。另外重有一瓶味道清香的自家制蘋果醋。加入湯底，味道更加清香。 拉麵方面，我就叫佐最傳統的豚王。麵質幼細，係我最鍾意的麵質因為幼細的麵更能掛起啲湯底。而且吾會覺得好麵粉的感覺。可惜，湯底太油，吾可能飲晒。所以奉勸大家可以吾加香油或加少啲。另外我亦加佐义燒，木耳絲及溫泉蛋。义燒好薄，味道不過不失。木耳絲的質地同拉麵好夾。溫泉蛋好糖心，熟的程道啱啱好。老公就叫佐海佬拉麵，好濃的蝦殼味。我就吾多識欣賞啦。