影片
更多
2023-07-20
895 瀏覽
同個朋友下晝經過紅磡諗住去搵嘢食，結果去咗太興諗住食個燒味飯傾吓偈，但係想食嘅燒肉同埋燒鵝都冇晒，所以就走咗去隔離試吓新嘢。地點方面完全冇問題，黃埔地鐵站走出嚟，行過對面馬路上一層樓就係，呢間鋪以前應該係左鄰右里，總之都算係交通方便。舖頭望落去亦都乾淨企理。我哋本來話下午茶，但係結果都叫咗幾多嘢嚟試吓。先係基本嘅叫咗個蝦餃皇，蝦餃嘅皮食落去好煙韌亦都唔厚，裏面嘅蝦亦都好新鮮，大家都覺得係水準以上。亦都嗌咗個鮮蝦腐皮卷，整出嚟嘅形狀比較偏薄，但係重點係咬落去仲係熱，同埋啲腐皮係趣嘅，裏面嘅蝦亦都冇問題，所以都覺得好食。另外仲有個黑金流沙包，呢個可能好多地方都有得食，雖然質素完全冇問題，不過因為好多地方食過類似嘅嘢，所以冇乜特別感覺。我哋又叫咗一個佢哋推介嘅細龜招牌家鄉炒米，呢個真係有驚喜，一來啊出嚟嘅份量好大碟，最重要嘅係炒米粉味道啱啱好，啲米粉唔會黐埋一齊，炒得好鬆，但係又唔會好油膩，真係要俾個讚。最後仲有叫咗一個蔥花炸兩同埋一份冰火魷魚，蔥花炸兩最驚喜嘅係裏面嘅炸兩係脆嘅，真係脆咗隻，另外佢俾咗豉油同花生醬，但係要問佢攞先至有辣醬同埋甜醬，味道真係可以，不過份量就少啲。另外個冰火魷魚
我哋本來話下午茶，但係結果都叫咗幾多嘢嚟試吓。先係基本嘅叫咗個蝦餃皇，蝦餃嘅皮食落去好煙韌亦都唔厚，裏面嘅蝦亦都好新鮮，大家都覺得係水準以上。亦都嗌咗個鮮蝦腐皮卷，整出嚟嘅形狀比較偏薄，但係重點係咬落去仲係熱，同埋啲腐皮係趣嘅，裏面嘅蝦亦都冇問題，所以都覺得好食。
另外仲有個黑金流沙包，呢個可能好多地方都有得食，雖然質素完全冇問題，不過因為好多地方食過類似嘅嘢，所以冇乜特別感覺。
我哋又叫咗一個佢哋推介嘅細龜招牌家鄉炒米，呢個真係有驚喜，一來啊出嚟嘅份量好大碟，最重要嘅係炒米粉味道啱啱好，啲米粉唔會黐埋一齊，炒得好鬆，但係又唔會好油膩，真係要俾個讚。
最後仲有叫咗一個蔥花炸兩同埋一份冰火魷魚，蔥花炸兩最驚喜嘅係裏面嘅炸兩係脆嘅，真係脆咗隻，另外佢俾咗豉油同花生醬，但係要問佢攞先至有辣醬同埋甜醬，味道真係可以，不過份量就少啲。
另外個冰火魷魚都有驚喜，其實佢就係一份涼菜，又有辣味，所以食落去都有種好適合夏天嘅感覺，亦都覺得好好食，其實份量上面都唔算少。所以我朋友都話下次會同佢老婆再嚟食吓晚飯，睇吓會唔會有其他好食嘅嘢。
張貼
