西關老祖 (文苑樓) (已結業)

去添記食完法包，見到呢間有瀨粉食，又大大隻字寫住西關瀨粉，就買黎試下啦。由於岩岩食完法包，飽飽地，淨係叫左個($15)自家製西關瀨粉＋10蚊黑毛豬油渣。呢到唔收現金，自助落單後，等左一陣就有得拎啦，打開好有驚喜，無諗過呢個價錢會咁大碗，食落d瀨粉有口感，配埋d菜莆、冬菇、蝦米同葱既湯底好夾。而黑毛豬油渣呢個係靈魂人物，為碗野加好多分，大舊脆口，好香口，食得出唔係平價既，唔會好似出面既豬油渣食落會有油膩感，配埋黎食好正，一定要加。而外賣盒同紙袋都印有店舖名，加上食物質素，睇得出好有心做，希望keep住呢個優惠價錢同水準啦！下次會留肚黎試埋其他野食！