影片
更多
2017-08-09
119 瀏覽
應約嚟咗呢度食，因為地點係朋友揀嘅，我第一次來，跟住地址搵左一陣，行返轉頭先見到有一棟大廈寫住10號，一入大廈就係電梯大堂，電梯門外有個牌寫住呢間餐廳喺3樓。第一次來嘅朋友要留意下，免得行過咗。一入到黎見到有好多玩樂設施，而且香氣彌漫，滲透着輕鬆歡樂的氣氛，是一個十分適合三五知己歡聚暢談的地方。雖然係星期一，happy hour時段都有唔少人。一坐低就會送上一碗薯片，當然好似飲茶嘅茶芥咁要收費啦，不過碗薯片都幾大碗，又夠香脆價錢都合理。我哋要咗個Dinner Combo兩份食，包括一個主菜同兩個小食。主菜揀咗卡邦尼意粉，小食就要咗香脆雞翼同炸餃子。意粉夠熱、爽口，醬汁分布平均，味道香濃。餃子賣相飽滿，外皮脆卜卜，餡的肉汁鮮甜又熱熱的。香脆雞翼，外皮好脆，肉汁鎖得好好，好juicy，咬開雞翼仲有熱煙冒出。剛入到黎餐廳，以為呢度嘅賣點都係氣氛同環境，估唔到嘢食都咁好食。有咁嘅環境同食物，無理由唔叫啲酒來助下興。而且Happy Hour時段差唔多半價，好抵。我揀咗 Draft beer 嘅 HOEGAARDEN ROSEE，有陣陣玫瑰香味，一試鍾愛。送薯片一流。朋友要咗ASAHI，原支上。本
一入到黎見到有好多玩樂設施，而且香氣彌漫，滲透着輕鬆歡樂的氣氛，是一個十分適合三五知己歡聚暢談的地方。雖然係星期一，happy hour時段都有唔少人。
一坐低就會送上一碗薯片，當然好似飲茶嘅茶芥咁要收費啦，不過碗薯片都幾大碗，又夠香脆價錢都合理。
我哋要咗個Dinner Combo兩份食，包括一個主菜同兩個小食。主菜揀咗卡邦尼意粉，小食就要咗香脆雞翼同炸餃子。
意粉夠熱、爽口，醬汁分布平均，味道香濃。
餃子賣相飽滿，外皮脆卜卜，餡的肉汁鮮甜又熱熱的。
香脆雞翼，外皮好脆，肉汁鎖得好好，好juicy，咬開雞翼仲有熱煙冒出。
剛入到黎餐廳，以為呢度嘅賣點都係氣氛同環境，估唔到嘢食都咁好食。
有咁嘅環境同食物，無理由唔叫啲酒來助下興。而且Happy Hour時段差唔多半價，好抵。
我揀咗 Draft beer 嘅 HOEGAARDEN ROSEE，有陣陣玫瑰香味，一試鍾愛。送薯片一流。朋友要咗ASAHI，原支上。
本來想叫埋雞軟骨同春卷，但係賣晒，唯有下次來再食。
張貼
