禮 (打鼓嶺道)

營業中

休息中

星期六約咗班朋友出去行山，行山之前先去食個豐富嘅 lunch，食飽飽先嚟減肥吖嘛，哈哈！今次去咗九龍城一間日式小店，呢間小店確實幾難搵到，一來唔係熱門嘅食街，差唔多要去到富豪酒店嗰邊，二來門面睇唔到個舖頭名。幾個朋友簡簡單單叫咗幾個定食，一個係季節刺身四品配冷烏冬（$168），刺身都幾鮮味成個餐都好豐富 另外叫咗一個六貫手握壽司配冷烏冬（$148），印象最深刻係吞拿魚壽司同埋海膽壽司非常鮮味，另外叫咗一個月見鵝肝和牛御飯（$168）好 Juicy。 另外又叫咗啲小食，日本枝豆、生蠔、薯餅、蟹膏玉子燒，特別推薦呢個蟹膏玉子燒（$88）味道濃郁。