Undici

營業中

休息中

放工同妹妹去食，幸好早訂位，因為成間餐廳幾乎爆滿。仲聽到話八點後已經訂滿晒。😋諗住味道應該唔錯，點知真係冇失望，仲有驚喜！招牌名古屋鰻魚大阪燒意大利飯，鰻魚厚身又香又長，有手臂咁長😆飯粒煙韌帶微甜，日式同意式完美融合。另加$66 有黑松露惹菌湯，自選飲品同埋精選蛋糕。黑松露惹菌意粉香氣十足，松露味略淡，意粉彈牙，菌類新鮮，食落層次感豐富。蒜蓉牛油酒煮蜆蜆肉飽滿，牛油香同酒香好夾，食完好開胃。飲品叫咗Oreo朱古力，好飲唔會太甜。最後個精選蛋糕揀柚子芝士蛋糕清新唔膩，芝士香滑，柚子味帶微酸，好啱夏天食。環境舒服，服務好，成餐飯食得開心又滿足，下次一定會再嚟。