羅東肉焿番

營業中

休息中

羅東肉焿番今日入元朗探表姐，上去之前梗係醫下個肚先啦。見到有間鋪叫羅東肉焿番咁奇怪，於是好奇就去望下啦。去到門口好多人排隊，但有人排應該係代表好食既，咁我地就照等，大概30分鐘多d先入到去。呢間餐廳主打台灣野食，我自己都幾鐘意既。 羅東肉焿湯第一次食肉焿湯，發覺佢係一碗好傑身既湯，類似碗仔翅既質地。入面材料有米粉，豬肉塊，荀絲同少少辣椒醬。個湯有好香濃既肉味，個人認為可以唔加辣椒，食原味更好味，加辣椒反而食唔到肉香。而入面既豬肉口感好特別，入口鮮嫩爽滑，好食之作。香腸魯肉飯魯肉飯份量適中，豬肉比較瘦，食落冇咁滑，油脂感唔算豐富。但肉汁味道相當唔錯，加上有豆卜索咗啲肉汁，令個飯唔會太乾身。而台灣香腸亦煮得啱啱好，油脂感充足，配埋蒜蓉醬，非常唔錯。肉鬆芋泥吐司其實我係為咗呢樣入黎架！吐司勁足料，有滿滿既芋泥同肉鬆！芋泥非常香同滑，調味唔會過甜，配埋咸咸地既肉鬆，令味道更平衡。芋泥既芋頭味都算特出！而個吐司亦烘得啱啱好，夠乾身同脆！