影片
更多
2022-11-21
41 瀏覽
呢日響旺角買野，想簡簡單單食碗麵，俾呢間水泥裝飾嘅小店吸引咗。見佢餐牌嘅麵食又幾特別，港式得來帶少少fusion嘅感覺。除咗主打麵食，餐廳仲有本地烘焙咖啡，聽聞係採用單一莊園、高海拔無公害嘅咖啡豆沖調。 好鬼補雞湯麵 ($88) - 湯底由雞骨熬成嘅，配料有花膠、魚肚、冬菇、雞件。雞肉好嫩滑，份量唔少。湯底清得嚟鮮甜，麵嘅質地有少少似日式拉麵，整體來講好好味。 鐵三角蠔鮑蟹海鮮湯麵（ $118）- 材料非常豐富，有鮑魚、青口、蜆同蟹柳。湯底非常濃厚，充滿海鮮嘅鮮甜味，好有驚喜。除咗麵之外，亦可轉做烏冬或湯飯。流心蛋（$8）- 加咗流心蛋同麵一齊食，更加有食日式拉麵嘅感覺，流心蛋味道濃郁。黃金單骨雞翼（跟餐+$25）- 雞翼炸得香脆，加埋外面嘅黃金皮，非常之惹味。 牛油果蝦多士（跟餐+$40）- 多士整得極之香脆，配埋軟滑嘅牛油果同爽脆嘅蝦，好豐富嘅口感。金銀蛋白菜($48) - 餐廳仲有幾款菜提供，實在太好，水準唔錯，加咗個菜食，感覺健康好多呀。紅豆冰啡（跟餐+$40）- 咖啡味香濃，配以甜甜嘅紅豆，味道好夾，紅豆中和左咖啡嘅苦澀味，頗有驚喜。 夠薑鐵觀音（跟餐+$18）- 真係好夠薑
好鬼補雞湯麵 ($88) - 湯底由雞骨熬成嘅，配料有花膠、魚肚、冬菇、雞件。雞肉好嫩滑，份量唔少。湯底清得嚟鮮甜，麵嘅質地有少少似日式拉麵，整體來講好好味。
鐵三角蠔鮑蟹海鮮湯麵（ $118）- 材料非常豐富，有鮑魚、青口、蜆同蟹柳。湯底非常濃厚，充滿海鮮嘅鮮甜味，好有驚喜。除咗麵之外，亦可轉做烏冬或湯飯。
流心蛋（$8）- 加咗流心蛋同麵一齊食，更加有食日式拉麵嘅感覺，流心蛋味道濃郁。
黃金單骨雞翼（跟餐+$25）- 雞翼炸得香脆，加埋外面嘅黃金皮，非常之惹味。
牛油果蝦多士（跟餐+$40）- 多士整得極之香脆，配埋軟滑嘅牛油果同爽脆嘅蝦，好豐富嘅口感。
金銀蛋白菜($48) - 餐廳仲有幾款菜提供，實在太好，水準唔錯，加咗個菜食，感覺健康好多呀。
紅豆冰啡（跟餐+$40）- 咖啡味香濃，配以甜甜嘅紅豆，味道好夾，紅豆中和左咖啡嘅苦澀味，頗有驚喜。
夠薑鐵觀音（跟餐+$18）- 真係好夠薑，帶少少鐵觀音茶味，飲完渾身是勁，鍾意薑味嘅朋友可以一試。
麵食同咖啡都相當有驚喜，下次可以再食下其他配搭。
張貼
